Мемлекеттік қызмет бойынша Аудандық тұрғын үй-коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімі бойынша 5 мемлекеттік қызмет көрсетіледі. Бірінші көрсетілетін қызмет түрі "Мемлекеттік тұрғын үй қорынан берілетін тұрғын үйлерді жекешелендіру". Мемлекеттік көрсетілетін қызмет қағаз түрінде көрсетіледі. Екінші қызмет түрі Қазақстан Республикасы Индустрия және инфрақұрылымдық даму министрінің 2019 жылғы 20 маусымдағы №417 бұйрығына сай, "Тұрғын үй сертификаттарын беру" қызметі. Бұл қызмет түрі 2020 жылдан бастап көрсетілуде. «Тұрғын үй сертификаттарын беру» мемлекеттік қызметі «Отбасы банк» арқылы жүзеге асырылатын «Бақытты отбасы» бағдарламасының өтініші қолдау тапқан жағдайда, сатып алынатын баспананың алғашқы жарнасын төлеу үшін беріледі. Үшінші қызмет түрі «Жасыл екпелерді күтіп ұстаудың және қорғаудың үлгілік қағидаларын, қалалар мен елді мекендердің аумақтарын абаттандырудың қағидаларын бекіту» туралы Қазақстан Республикасы Ұлттық экономика министрінің 2015 жылғы 20 наурыздағы №235 бұйрығына сай, «Ағаштарды кесуге рұқсат беру» қызметі. Бұл қызмет түріне «е-лицензия» арқылы жеке және заңды тұлғалар өз нысанда орналасқан талдарды кесу үшін өтініш береді (қажетті құжаттарды қоса береді). Төртінші қызмет түрі: «Энергия өндіруші, энергия беруші ұйымдарды күзгі-қысқы кезендегі жұмысқа әзірлік паспортын алу қағидаларын бекіту туралы» Қазақстан Республикасы Энергетика министрінің 2015 жылғы 2 ақпандағы №55 бұйрығына сай, «Энергия өндіруші және энергия беруші ұйымдарға күзгі-қысқы кезендегіжұмысқа әзірлік паспортын беру» қызметі. Бұл қызмет арқылы, аудан аумағындағы барлық мекемелер жылу маусымына орай «е-лицензия» арқылы жылу маусымына дайындық паспортын алады (қосымша құжаттарды жалғау қажет). Бесінші қызмет түрі: «Сыртқы (көрнекі) жарнама обьектілерін халықаралық, республикалық, облыстық және аудандық маңызы бар жалпыға ортақ пайдаланылатын автомобиль жолдарының бөлінген белдеуінде орналастыру қағидаларын бекіту туралы» Қазақстан Республикасы Индустрия және инфрақұрылымдық даму министрінің 2019 жылғы б маусымдағы №371 бұйрығына сай, «Облыстық және аудандық маңызы бар жалпыға ортақ пайдаланылатын автомобиль жолдарына бөлінген белдеуде сыртқы (көрнекі) жарнама объектілерін орналастыруды келісу» қызметі. Бұл қызмет арқылы, аудандық маңыздағы және ауылішілік автомобиль жолдардың бойында жарнамалау қызметіне қол жеткізіледі.

қызылқоға аудандық қоғамдық кеңесінің қарары 19 сәуір 2024 жыл №XXII Миялы ауылы 1 -мәселеге: Қазақстан Республикасының 2015 жылғы 2 қарашадағы №383-V «Қоғамдық кеңестер туралы» Заңына сәйкес, күн тәртібіндегі мәселені тыңдап, талқылап, аудандық қоғамдық кеңес отырысы ҚАРАР қабылдады: 1. «Аудан бойынша 2024 жылы басталатын және ауыспалы құрылыстардың жай-күйі, бөлім бойынша көрсетілетін мемлекеттік қызмет туралы (тұрғын үй , жол, басқа да әлеуметтік нысандар құрылыстарының барысы т.б.)» аудандық құрылыс, сәулет және қала құрылысы бөлімінің басшысы Д.Нығметовтің, аудандық тұрғын үй-коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімінің басшысы К.Камаладеновтің атқарған жұмыстарынан хабарлама мақұлдансын; 2. Жыл аяғына дейін аяқталатын құрылыс нысандарындағы жұмыс күшін арттыру; (Д.Нығметов) 3. Ауданда жүзеге асырылатын құрылыс нысандарының эскиздік жобасын қоғамдық кеңес мүшелерімен, құрылыс саласының ардагерлерімен кеңесе отыра талқылау; (Д.Нығметов, К.Камаладенов) 4. Ауданда жасалып жатырған құрылыс нысандарына қоғамдық бақылау жұмысын күшейту және қабылданатын нысандарды бірге қабылдау «Экономика, өңірлік даму, экология, ауыл шаруашылығы, инфрақұрылымды дамыту және коммуналдық шаруашылық мәселелері жөніндегі комиссияға» (мүшесі Ж.Әбдіғалиға) тапсырылсын; 5. Аудандық қоғамдық кеңестің ҚАРАРЫ шаралар алу үшін тиісті мекемелерге жолдансын және орындалуы жөніндегі хабарламаны Кеңес хатшысына табыстау ұсынылсын. Қоғамдық кеңес төрағасы: Ж.Ізбасқан

Қызылқоға аудандық құрылыс, сәулет және қала құрылысы бөлімінің 2023 жылы атқарылған жұмыстар туралы Ағымдағы жылы 5 575 666,83 мың теңгені құрайтын 20 құрылыс нысаны жүргізілуде. Оның ішінде 15 нысан ауыспалы, 5нысан жаңа құрылыс.2023 жылы 10 нысанның құрылыс жұмыстары аяқталды. Бөлім арқылы барлығы 19 ЖСҚ дайындаужоспарланған. 10 жобаға ЖСҚ дайындалуда,6 жобаға сараптаманың оң қорытындысы алынды, 3 жобағаконкурс рәсімдері жүргізілуде. Тұрғын үй және инженерлік инфрақұрылым жүргізу бойынша Жеке тұрғын үй салуға кезекте тұрғандар үшін Қоныстану ауылынан 80 жер телімі ағымдағы жылы кезектілікке сәйкес берілетін болады. Қазіргі кезде су, газ желісі толық аяқталды. Электр желісі бойынша жобалау-сметалық құжаттамасына түзету енгізілгеннен кейін іске асырылады. Сонымен қатар Миялы ауылынан 3 қатарлы 60 пәтерлі тұрғын үйдің құрылысы НКОК компаниясы арқылы салынуда. Құрылыс нысанын 2024 жылдың маусым айында тапсыру жоспарлануда. Спорт саласы. 2023 жылы Тасшағыл және Жасқайрат ауылдарынан спорт кешендерінің құрылысы басталды. Жобаларға түзету жұмыстары жүргізілді. Қазіргі кезде мердігер «БатысСтройСервис-Атырау» ЖШС-гі құрылыс жұмыстарын жүргізуде. Құрылыс жұмыстарының аяқталу мерзімі ағымдағы жылдың шілде айы. Сонымен қатар, Қарабаужәне Қоныстану ауылдарынан спорт кешенін салу үшін мердігер «НСК «МВМ Construction»ЖСШ-мен келісім шарт жасалды. Құрылыс жұмыстары 2023 жылдыңқыркүйек айында басталды. Қазіргі кезде қыс мезгіліне байланысты 2 айға тоқтатылды. Сонымен қатар төтенше жағдайға байланысты қазіргі уақытта құрылыс жұмыстары тоқтап тұр. Құрылыс жұмыстарының аяқталу мерзімі ағымдағы жылдың қыркүйек айы. 2023 жылы Миялы ауылындағы орталық стадионның құрылысы және Жангелдин ауылынан спорт алаңының құрылыс жұмыстары аяқталып, пайдалануға берілді. Сағыз ауылындағы спорт кешенінің құрылысы 2021 жылы басталды. Құрылыс жұмыстарының сапасыз жасалуына және өндірістік кестені бірнеше рет бұзуына байланысты, мердігер «SCS инжиниринг» ЖШС-мен келісім шарт бұзылды. Жобалау-сметалық құжаттамасына түзету енгізу жұмыстары жүргізілуде. Сондай-ақ, Тайсойған ауылынан спорт кешенінің құрылысына мердігер «Ansal Group»ЖШС-мен келісім шарт жасау жүргізілуде. Қаракөл ауылынан спорт кешенін салу үшін конкурс ұйымдастырылды. Бұдан бөлек Жасқайрат, Қоныстану, Қарабау,Тайсойған ауылдарына спорт алаңын салуға жеңімпаз анықталып, шарт жасалуда. Тасшағыл және Қаракөл ауылдарындағы спорт алаңына мемлекеттік сатып алу жарияланды. Миялы ауылынан 3 жерден Сағыз ауылынан 2 жерден спорт алаңын салуға 100,0 млн.теңге бөлініп, мемлекеттік сатып алу жұмыстары ұйымдастырылуда. Әкімшілік ғимарат Миялы ауылынан 2 автокөлікке арналған өрт сөндіру депосының құрылысы ағымдағы жылы жалғасуда. Құрылыс жұмыстары жыл соңына дейін аяқталады. Тапсырыс беруші Атырау облысы құрылыс, сәулет және қала құрылысы басқармасы. Сондай-ақ Тасшағыл ауылынан әкімшілік ғимараты қайта жаңғыртылуда. Мердігер «ГрадСтройСервис» ЖШС-гі. Мердігер мекеме құрылыс жұмыстарын мерзімінде аяқтамауына байланысты сотқа талап арыз беріліп, мемлекеттік сатып алуға жосықсыз қатысушы деп танылды. Сағыз ауылдық округ әкімі аппаратының әкімшілік ғимаратының құрылысы тамыз айында басталды. Мердігер «БатысСтройСервис» ЖШС-гі. Жоба құны 146 745,0 мың теңге. Сот процесі жүруде. Денсаулық саласы 2023 жылы Қызылқоға ауданы Айдын елді мекеніндегі медициналық пунктінің құрылысы аяқталып, пайданалуға берілді. Сонымен қатар, ұлттық жобаға сәйкес Жамансор және Жантерек елді мекендерінен медициналық пунктінің құрылысын салуға жеңімпаз анықталып, шарт жасалды ("Clima Eng" ЖШС). Жобалар Атырау облысы құрылыс, сәулет және қала құрылысы басқармасы арқылы іске асырылатын болады. Тасшағыл ауылынан жаңадан дәрігерлік амбулатория салуға ЖСҚ дайындалды. Сараптамадан өткізу жұмыстары жүргізілуде. Мәдениет саласы 2020 жылы басталған Тасшағыл ауылындағы 300 орындық мәдениет үйінің құрылысы аяқталды. Осындай типтегі Қарабау ауылынан 300 орындық мәдениет үйінің құрылысы жүргізілуде. Мердігер "Нуркапстройгаз" ЖШС-гі. Құрылыс жұмыстары 2025 жылдың қаңтар айында аяқталады. Сонымен қатар, Тайсойған ауылынан шығармашылық орталықтың ЖСҚ-ы дайындалды. Қазіргі таңда, сараптамадан өткізу жұмыстары жүргізілуде. Ауыз су мәселесі Ауданда 26 елді мекеннің 9 елді мекенінде ауыз су мәселесі толық шешілмеген. Осыған байланысты 9 елді мекенді ауыз сумен жабдықтауға 1 177,6 млн.теңге бөлінді. Оның ішінде, күні бүгінге Соркөл, Сарықұмақ, Кенбай, Былқылдақты, Қоныстану, Қоңыраулы елді мекендерінің құрылыс жұмыстары аяқталып, қабылданды. Ағымдағы жылға, Аққора, Қоғам және Тасқұдық елді мекендері бойынша құрылыс жұмыстарын аяқтау жоспарлануда. Аталған жобалар іске асқан жағдайда, аудан халқы 100% ауыз сумен қамтылатын болады. Сонымен қатар, 2023 жылы «Кереген-Сағыз-Жамансор» топтық су құбырын реконструкциялау нысанының құрылыс жұмыстары, ағымдағы жылы «Тайсойған-Миялы» топтық су құбырының құрылыс жұмыстары басталды. Сондай-ақ, Кереген жер асты су қорынан 4 ұңғыманың құрылысын салуғажәне Ноғайты өзенінің жағалауын бекітугеЖСҚ-ы жасақталуда. Ағымдағы жылы ЖСҚ-ын аяқтап, сараптаманың оң қорытындысын алу жоспарлануда. Көгалдандыру және абаттандыру 2023 жылдың тамыз айынан бастап Миялы ауылынан орталық саябақтың құрылысын бастады. Алайда, қазіргі таңда жобаға түзету енгізу жұмыстары жүргізілуде. Мердігер «Номад Құрылыс Компаниясы» ЖШС-гі.

Қоныстану селосынан берілетін жер учаскелерін күні кеше келген су басып,сол жерде.ағымдағы жылда салынатын спорт кешенінің фундаменттерін жарамсыз қылып кетті ,ол жерге қалай салмақ ойларыңыз бар 2:17

Құрметті Жәния Қалиқызы Құрметті қоғамдық кеңес мүшелері 2024 жылы атқарылатын құрылыс жұмыстары туралы қысқаша хабарлама! 1. 2023 жылы жалпы ұзындығы 1,5 шақырым болатын Кенбай елді мекенінің кірме және ауылішілік автомобиль жолдарын қайта жаңғырту» жұмыс жобасы іске асырылуда. Құрылыс жұмыстарына жауапты «Атырау көлік» ЖШС-гі мекемесі. Жоба бойынша 1,5 шақырымның барлығына асфальт жабындысы толық төселді. Қазіргі уақытта қабылдау жұмыстары жүргізілуде. (Келісімшарт құны 190 479,5) 2. Жалпы ұзындығы 4,7 шақырым болатын «Мұқыр ауылының кірме және ауылішілік автомбиль жолдарын қайта жаңғырту» жұмыс жобасы жүзеге асырылып жатыр. Іске асырушы «ГСК РиМ» ЖШС-гі. 4,7 шақырым жолдың барлығына асфальт жабындысы толық төселді. Қазіргі уақытта қабылдау жұмыстары жүргізілуде. (Келісімшарт құны 519 484,0) 3. Сонымен қатар, жалпы ұзындығы 6,0 шақырым болатын «Мұқыр ауылының ауылішілік автомобиль жолдарының құрылысы» жобасы жүзеге асырылуда. Іске асырушы «Атырау көлік» ЖШС-гі. Жоба бойынша қарастырылған көше жарықшамдарының бағандары толық орнатылды. 4 шақырым бөлігіне ПГС және ЩПГС жабындысы толық төселді. Нысан ауыспалы болғандықтан құрылыс жұмыстары 2024 жылы аяқталады. (Келісімшарт құны 1 128 262,0) 4. Жалпы ұзындығы 8,2 км болатын «Сағыз ауылының ауылішілік автомбиль жолдарының құрылыс жұмыстары» жүргізілуде. іске асырушы «Атырау көлік» ЖШС-гі. Қазіргі уақытта, 2,5 шақырымына асфальт жабындысы төселді. Жобада қарастырылған көше жарығының жарықшамдары толық орнатылды. Жобада көпір салу жұмыстары қарастырылған. Қазіргі уақытта көпір салу жұмыстары жүргізілуде. Нысан ауыспалы болғандықтан құрылыс жұмыстары 2024 жылы аяқталады. (Келісімшарт құны 1 133 203,0) 5. Жалпы ұзындығы 6,8 шақырым болатын «Сағыз ауылының ауылішілік автомобиль жолдарын қайта жаңғырту» жобасы бойынша жауапты мекеме «Айдана-ИК» ЖШС-гі. Алайда, мердігер мекеме келісімшарт бойынша өзіне жүктелген міндеттемелерді толық және мерзімінде орындамағаны үшін келісімшарт бұзылды. Қазіргі уақытта жобаға түзетулер еңгізу бойынша есептеу жұмыстары жүргізілуде. (Келісімшарт құны 659 663,4) 6. Сонымен қатар, жалпы ұзындығы 11,079 км болатын «Миялы ауылының ауылішілік автомбиль жолдарын күрделі жөндеу» жұмыс жобасы жүзеге асырылуда. Жауапты мердігер «Атырау көлік» ЖШС-гі. Қазіргі уақытта, жоба бойынша жолдың асфальт жабындысы екі қабаттан барлығына асфальт жабындысы толық төселді. Жаяу жүргіншілер жолының 3,9 шақырым бөлігі қалды. 2024 жылы аяқталып қабылданатын болады. Келісімшарт құны 1 183 403,6 7. Миялы ауылішілік 21,5 км құрайтын автокөлік жолын салу жұмыстары бойынша қазіргі уақытта жұмыстар жүргізілуде. Жобада көрсетілген газ құбырлары ауыстырылды. 2024 жылы жол салу жұмыстары басталады. Жауапты мердігер «Қарасай құрылыс» ЖШС-гі. Жоба құны - 2 796 816 177,51 Электрмен қамту және көше жарықшамдарымен қамтамасыз етү жұмыстары 1. 2022 жылы жалпы ұзындығы 8,0 шақырым болатын «Атырау облысы, Қызылқоға ауданы, Мұқыр ауылында орналасқан М.Сұлтанов, М. Дәулетбаев, 4 ауыл, 5 ауыл, басты жолдың бойында көше жарықтандыру желілерін ұйымдастыру» нысанының құрылысы басталған болатын. Жүзеге асырушы мердігер «Еділ строй сервис» ЖШС-гі. Жоба бойынша бағандар толық орнатылды. Қазіргі уақытта кабель тарту жұмыстары жүргізілуде. Нысан ауыспалы болғандықтан 2024 жылы сәуір айында аяқталып пайдалануға беріледі. (Келісімшарт құны 191 155) 2. 2023 жылы жалпы ұзындығы 4,9 шақырым болатын «Тайсойған ауылындағы көшелерді жарықтандыру» құрылысы басталды. Құрылыс жұмыстарына жауапты «Жайык Сити» ЖШС-гі. Қазіргі уақытта жобаға өзгерістер еңгізілуіне байланысты қайта есептеу жұмыстары жүргізілуде. (Келісімшарт құны 45 651,5) 3. Сондай-ақ, 2023 жылы «Атырау облысы, Қызылқоға ауданы, Сағыз ауылында 1-2 ауылдарының электр желілерінің құрылысы» жобасы басталды. Құрылыс жұмыстарына жауапты «Теплоэнергострой» ЖШС-гі. Жоба ауыспалы болғандықтан 2024 жылы аяқталады. (Келісімшарт құны 877 612,7) 4. Қарабау ауылына кіре беріс жолды жарықтандыру (1.1 шақырым) жұмыстары бойынша қазіргі уақытта жұмыстар жасалуда. Алайда мердігер мекеме тарапынан жұмыс кестесінен кешігіп баяу орындауына байланысты Атырау облысы ауданаралық экономикалық сотына талап арыз жолданды. Сот отырысы күтілуде. Қазіргі уақытта жұмыстар жалғасуда. Сәуір айында толықтай аяқталып пайдалануға беріледі. Мердігер мекеме"Invent Team" (Инвент Тим) ЖШС Жоба кұны: 26 211 885 теңге. 5. Жангелдин ауылының кірме жолының қалған 920 метр бөлігін жарықтандыру жұмыстары бойынша қажетті бағаналар толығымен жеткізілді. Алайда мердігер мекеме тарапынан жұмыс кестесінен кешігіп баяу орындауына байланысты Атырау облысы ауданаралық экономикалық сотына талап арыз жолданды. Сот отырысы күтілуде. Қазіргі уақытта жұмыстар жалғасуда. Сәуір айында толықтай аяқталып пайдалануға беріледі. Мердігер мекеме"Invent Team" (Инвент Тим) ЖШС Жоба құны: 27 606 795 теңге. 6. Қаракөл ауылының кірме жолдарын жарықтандыру жұмыстары бойынша қажетті материалдар толығымен жеткізілді. Алайда мердігер мекеме тарапынан жұмыс кестесінен кешігіп баяу орындауына байланысты Атырау облысы ауданаралық экономикалық сотына талап арыз жолданды. Сот отырысы күтілуде. Қазіргі уақытта жұмыстар жалғасуда. Сәуір айында толықтай аяқталып пайдалануға беріледі. Мердігер мекеме "Еламан Ойл" Жоба құны 39 837 366 теңге