“Maşın Şou” - Azərbaycan teleməkanında bu formatda olan yeganə realiti şoudur.
21 gün ərzində, gündəlik canlı efirdə - 8 kamera, 18 iştirakçı, zalda yer alan tamaşaçılar və minlərlə televiziya tamaşaçıları bir avtomobil üzərində qurulan mübarizənin şahidi olurlar. Hər gün şou iştirakçılarının səsverməsi nəticəsində bir iştirakçı oyunu tərk etməyə namizəd seçilir və xüsusi tribunaya çıxıb tamaşaçılardan SMS vasitəsilə səs toplamaq imkanını qazanır. Efirin sonunda, iştirakçı kifayət qədər səs toplayan zaman, istənilən digər iştirakçını şoudan kənarlaşdırmaq hüququnu qazanır, əks halda özü şounu tərk etməyə məcburdur. Oyunun əsas şərti - iştirakçıların bir əli daim maşının üzərində olmalıdır. Şounun finalına cəmi üç iştirakçı qalır və bütün səsvermələr dayandırılır. Bu andan etibarən iştirakçılar əllərini maşın üzərinə qoyub şounun bitməsinə qədər daim maşının yanında durmalıdırlar. Maşın üzərindən əlini çəkən sonuncu iştirakçı avtomobilin sahibinə çevirilir.
Пікірлер