Пікірлер

• 
  @AliChaban122 ай бұрын

  با فرنسية

• 
  @lggkneuf2 ай бұрын

  قصة لها قيم للتراث الوطني. وشكر للقانة

• 
  @aichabakhti7883 ай бұрын

  شكرا قنات تستحق إعجاب🎉🎉🎉🎉❤❤❤❤❤❤

• 
  @user-ue7qn8yi7m4 ай бұрын

  قصة جميلة جداً حبيبتي 😮❤🎉

• 
  @kouarasamir31775 ай бұрын

  الموسيقى صمطت الحكاية

• 
  @bennorbendaoud57317 ай бұрын

  ❤❤❤❤❤❤❤❤❤❤❤❤

• 
  @slimaneroussel7 ай бұрын

  قصة بقمة قصص التراث العالمى

• 
  @Mohhhamad9 ай бұрын

  طريقة الكلام جدا حلو

• 
  @user-vm9il7qv9w Жыл бұрын

  😘😘😍😍🤩🤩☺☺

• 
  @abdoudjabbar168 Жыл бұрын

  مأجمل التراث الجزائري وقصصه

• 
  @Yasmine-w3e Жыл бұрын

  قصة جميلة جدا شكرا جزيلا لكي ❤❤

• 
  @user-ei5up5vg5f4 ай бұрын

  🎉

• 
  @ramakherzi9308 Жыл бұрын

  انا اتمنيان يكون معدلي 16

• 
  @djihanejiji8148 Жыл бұрын

  هداك الجندي واش صرالو

• 
  @djihanejiji8148 Жыл бұрын

  روعة القصة

• 
  @zak20138 Жыл бұрын

  شكر من القلب

• 
  @user-eh6gr4kj2e Жыл бұрын

  قصتك راءع و روايتك جيد👏

• 
  @ladyemila2004 Жыл бұрын

  علاه حبستي ختي

• 
  @rasilrasilrasolacheihk66772 жыл бұрын

  أريد قصة جديدة😘😘

• 
  @razikabrahmia28232 жыл бұрын

  ما احلۍ تراث الجزائر ومااحلى قصصه فلجزاءر تحمل اسرار علينا ان نكتشفها

• 
  @jendoki.87822 жыл бұрын

  طريقة السرد في القمة 😫💜

• 
  @nounoupispis36122 жыл бұрын

  قصة جميلة جدا وجذابة شكرا 👍👍👍👏👏👏🙂 شكرا جزيلا ابنائونا تثقفوا من هذه القصةالجيدة

• 
  @hayetamrane80252 жыл бұрын

  من فضلك نقدر ندي النص لي كتبتيه تاع الحكايات؟؟

• 
  @user-xn1wi3pd9r2 жыл бұрын

  نعم تفضلي

• 
  @jamilatagbailithe80542 жыл бұрын

  حكيتيها مليح الله بارك عليك

• 
  @ssaadkhadidja88692 жыл бұрын

  الله ابارك عليك واصلي

• 
  @ssaadkhadidja88692 жыл бұрын

  هادي اول مرة نسمع بهادي الحكاية نتاع خداوج العمياء

• 
  @benaissa833 жыл бұрын

  عندك زودج حكايات برك هذا ماكان؟؟؟😂😂 زيدينا شويا 😂

• 
  @sarahcherigui48693 жыл бұрын

  يعطيك الصحة نرجى تحكيلنا حكاية أغنية قولوا ليامنة

• 
  @yayaschannel12503 жыл бұрын

  بوزلوف ولا متوم😂

• 
  @user-xn1wi3pd9r3 жыл бұрын

  الطبق فالقصة الأصلية عند ناس القصبة، هو البوزلوف ❤️ مرحبا بيك فالقناة حبيبتي ♥️

• 
  @yayaschannel12503 жыл бұрын

  @@user-xn1wi3pd9r يعيشك حبيبتي عجبتني القناة و طريقتك في سرد الرواية واصلي بالتوفيق نشا الله⁦❤️⁩⁦❤️⁩

• 
  @user-xn1wi3pd9r3 жыл бұрын

  شكرا ❤️ اسعدني مرورك

• 
  @yayaschannel12503 жыл бұрын

  @@user-xn1wi3pd9r صحيتي حبيبتي ربي يحفظك

• 
  @badgirl33563 жыл бұрын

  صحيتي انا تاني درتلك ابوني

• 
  @saraforvariety62593 жыл бұрын

  روعة ربي يوفقك😍❤️

• 
  @rymamilina7844 жыл бұрын

  حبييت 😍

• 
  @user-xn1wi3pd9r4 жыл бұрын

  ربي يحفظك حبيبتي ❤

• 
  @rymamilina7844 жыл бұрын

  برااافو واصلي😍

• 
  @user-xn1wi3pd9r4 жыл бұрын

  شكراا حبيبتي مرحبا بيك

• 
  @9isas.4 жыл бұрын

  روعة حبيبتي بالتوفيق 🌹🌹😍

• 
  @user-xn1wi3pd9r4 жыл бұрын

  اسعدني مرورك حبيبتي❤😍😍😍 ربي يوفقك انت ايضا

• 
  @user-lc2dv9qj3q4 жыл бұрын

  قصص جميلة لكن الهدوء اجمل من الموسيقى نستناك اختي 👍

• 
  @user-xn1wi3pd9r4 жыл бұрын

  مرحبا بيك 😍 و شكرا على الملاحظة ❤

• 
  @figigih55924 жыл бұрын

  ربي يوفقك اختي روعة نتمنالك المواصلة في القصص

• 
  @user-xn1wi3pd9r4 жыл бұрын

  شكرااا 😍❤

• 
  @agabahabiba9694 жыл бұрын

  يعطيك الصحة والهناء.

• 
  @user-xn1wi3pd9r4 жыл бұрын

  شكرااا 😍❤ ربي يهنيك

• 
  @lartista_icha4 жыл бұрын

  يهبلوا رسماتك💗💗💗💗

• 
  @user-xn1wi3pd9r4 жыл бұрын

  يسلمك حبيبتي ❤ ربي يخليك

• 
  @user-xk2rs8xf9x4 жыл бұрын

  ❤ برافو عليك اختي راني درتلك آبوني

• 
  @user-xn1wi3pd9r4 жыл бұрын

  ❤

• 
  @samirdz77224 жыл бұрын

  🇩🇿👏👏👏👏

• 
  @user-xn1wi3pd9r4 жыл бұрын

  🇩🇿🇩🇿🇩🇿❤

• 
  @marammira81784 жыл бұрын

  يعطيك الصحه والعافيه راكي فالمستوى

• 
  @user-xn1wi3pd9r4 жыл бұрын

  شكرا حبيبتي ربي يحفظك 😘😘❤ و مرحبا بيك فالقناة

• 
  @user-zw6bd5ei5l4 жыл бұрын

  اختيار القصة والصوت وطريقة السرد و الصور روعة بالتوفيق

• 
  @user-xn1wi3pd9r4 жыл бұрын

  شكرااا 😍

• 
  @mamlaka5604 жыл бұрын

  👍👍👍👍👍👍👏👏👏👏👏👏👏

• 
  @user-xn1wi3pd9r4 жыл бұрын

  ❤❤❤❤

• 
  @user-xn1wi3pd9r4 жыл бұрын

  القصة كاملة ❤ قصة من التراث الجزائري الاصيل تحكي على الإيثار و الرفق بالناس. كَانْ يَامَا كَانْ في قدِيمْ الزَّمَانْ، كَانْ الْخِيرْ فِي كُلّ مكَانْ، كَانْتْ الرِّيشَة تقْهَرْ الْمِيزَانْ، وكَانْ الْأعْمَى يتخَطَّى الْحِيطَانْ وكَانْ الشِّيخْ يَقْطَعْ الْبلدان، وكان الْبُستان الصغير يكفي الْعايلة ويزِيدْ الْجِيرَانْ، كَانْ وكَانْ حَتَّى كَانْ......... وفي دار من ديار القصبة كان واحد الراجل عندو زوج بنات ربي عطاهم العقل و الرزانة, الزين و الفهامة , رباهم باباهم على الدين و الطاعة, بنات اصل واللسان مفصل عويشة هي الكبيرة كانت هي لي قايمة بالدار بعد ما توفات لميمة , رافدة مسؤولية باباها و اختها الصغيرة, المسؤولية رزنتها و علمتها تسير و تدبر , مسبقة عقلها على قلبها و كل موناها انها ترضي باباها و تحفظ وصية أمها و الصغيرة فاطمة على قد فطنتها و قفازتها على قد حنانتها و رقة قلبها, كانت عايشا حيياتها و راضية بيها , تبغي تحني و تصبغ و تتعطر , و روحها و هواها فالموسيقى و الشعر و من بين كل الألوان كانت تبغي اللون الأحمر , و من نهار صبغت شعرها باللون الأحمر سماوها الناس فاطمة المعكرة قاصدين بالاسم زوج معاني ,المعنى الأول لي هو: اللون العكري عند ناس القصبة هواللون الأحمر و المعنى الثاني الطبع المعكر و هذا من تحررها و محبتها للموسيقى و لشعر و هي ولا في بالها بشر كل مناها تعيش حياتها و ترضي خالقها على قد ما تقدر. توفى باباهم و خلاهم و على بعضياتهم وصاهم , والدار لي خلى كانت كل رزقهم , عاشو مع بعض أعوام و سنين و عويشة تزوجت و جابت بنات و بنين , راجل عويشة كان تاجر و كل مرة وين يسافر , و تبقى هي مع اختها و أولادها متوانسين , و واحد النهار راجلها قرر يسافر لمدينة بعيدة . مدينة التجار و التجارة و وعد مرته و أولاده يرجع بعد الليلة العاشرة، ناضت عويشة و اختها ينقو الدار , لمعو النحاس و نفضو الغبار , فالسطح نشرو السجادات و فالسهرات كانو يجتمعو مع الجارات و يتوانسو بالبوقالات , يزهاو و يفرحو , و يا محلا دوك القعدات وصل اليوم لي يرجع فيه راجل عويشة مالسفر , ناضت صلات فجرها و دعات العالي يحفظ عايلتها و يصونها ,دخلت كوزينتها و شمرت على دريعاتها و عولت توجد لراجلها اكثر ماكلة يبغيها , راجل عويشة كان يبغي البوزلوف بزاف و عويشة كانت معروفة بطيابها البنين و حلوياتها المتنوعين, شعلت نارها و حطت البوزلوف عليها و راحت لبيتها تتحف روحها لراجلها, ريحت الطياب ملات المكان, شهات اهل الدار و الجيران, وكانت جارتهم بالحمل تتوحم , شمت ريحة الطياب و سخفت لكنها حشمت تتكلم, مسكينة ماقدرتش تقاوم, راحت لعند جاراتها و دقدقت عليهم , قالتلهم : طفات نيراني يا جيراني ادا تعطوني عود نشعل بيه كانوني , عطاتها عويشة النار , وصلت الجارة لنص الطريق و ولات عندهم للدار , خبرتهم بلي الريح طفاهالها , و عاودت عويشة عطاتها . لكن الجارة راحت و عاودت ولات, اكثر من سبع مرات فاطمة المعكرة كانت فالحوش تميز و تشوف فالشي لي قاعد يصرا , فهمت فاطمة مقصود جارتها , حن قلبها ,قدمت لعندها و سقساتها على سرها, خبرتها الجارة على وحمها و الريحة لي سيلت ريقها و طلبت منها تقول لاختها تعطيها لقمة من طاجينها , فاطمة ردت الباب و دخلت و لعند أختها قربت , طلبت منها تحن فالمتوحمة و تعطيها تذوق مالبوزلوف لقمة , على خاطر الوحم حق واذا ماذاقتش منه قلبها ما يبرا و وليدها تخرج فيه مارة. عاودتلها فاطمة الهدرة شحال من مرة و عويشة رافضة وفي رايها شادة, حتى قالتلها فاطمة , واش رايك تعطيها الطاجين كامل و انا نتنازل ليك على حقي فالدار و الميراث ؟ و نوعدك غدوة نروحو للقاضي نعطيلك الاثبات...... عويشة استغربت لكنها فرحت و طمعت و بلا ماتخمم قبلت , اعطات لفاطمة الطاجين باش تمده للجارة فالحين , الجارة مالفرحة بكات و رفدت يديها للعالي و دعات : الله يعلي قدرك و يعز شانك و في جنة الفردوس الأعلى يكون مقامك و تفرقو لشغالاتهم فرحانين . الجارة فرحت بالطاجين و عويشة بالدار و الورث الكبير و فاطمة المعكرة بدعوة الخير.... فالصباح ناضت عويشة كي الطير الفرحان ,لقات وسط الدار معبق بالمسك و الحبق و الريحان , راحت تجري تنوض أختها تخبرها , و كانت كل ماتقرب للبيت الريحة تزيد , و مين وصلت و طبطبت فالباب مالقات حتى جواب , لقات الماء المعطر يخرج من تحت العتبة , حاولت تحل الباب ماقدرتش,هنا خافت عويشة و نخلعت و على جاراتها عيطت , وصلو الجارات, تعاونو على الباب حلوه بلخف, و الشي لي شافوه قدامهم زادهم خوف على خوف فاطمة المعكرة ميتة, مغسلة و مكفنة و محنية و معطرة زوج شمعات عند راسها وحدة في يمينها و وحدة في شمالها ’ و المراية و المشطة قدامها . عويشة و الجارات كانو حيرانات, و فاطمة المعكرة كانت مطمئنة كأنها ملاك نازل مالسما. وصل الخبر للشيوخ و لعيان و فسرو الشي لي صرا على أنه اية من أيات الرحمان, و طلبو من أهلها يخلو قبرها في غرفتها , و هذا لي كان ..... قبرها فالقصبة معروف للان و مزالو الناس يزوروها و يقصدوها من كل مكان , يدعولها بالرحمة و جورة النبي العدنان , عليه الصلاة و السلام وهَكْذَا مْشَاتْ حْكَايْتِي مِنْ وَادْ لوَادْ، ومِنْ بلاَدْ لبلاَدْ، يَحْكِوهَا الْاجْدَادْ لِلصِّبْيَان و الاحفاد

• 
  @user-xn1wi3pd9r4 жыл бұрын

  القصة مكتوبة ❤😍 بسم الله بديت و على النبي صليت و بحكاايتي لاحلى ناس جيت و نقول لكل حكاية معناها ... حكاوها لقدام يا محلاها , جيتكم اليوم نحكيها و في قلوبكم نخبيها .. نتفكرو بنة زمان و نقولو كان يا مكان في قصر من قصور القصبة المحروسة كان وحد الراجل اسمو حسان عندو جاه كبير و مال غزير , ربي رزقو بثلات عويتقات , زينهم فات الزين, ظرافة و رزانة و فلب حنين . الصغيرة فيهم فاتتهم و تعدات , بيضة ثلج و شعرها طويل و اكحل كي ليل , عينيها عسل مقطر و الحاجب اكحل مدور . و زاد طابعها الكجل , كحلها غالي تشريه من الباب العالي . اسمها خديجة ز يعيطولها خداوج, و اخواتاتها فاطمة و نفيسة , حياتهم حياة سلطانات , خير و خمير و خديمات , باباهم يبغيهم و عازهم و لي يطلبوها تحضرهم , لكن العز و المحبة الكبيرة كانو لخداوج الصغيرة, فاطمة و نفيسة كانو متصاحبات , متقارابات و متسارات . حبابات و صحابات و اخواتات , مايتفارقو لا ليل ولا نهار , لا برا ولا فالدار . و اختهم الصغيرة دايما وحدها , مرات فاسطح , و مرات في الحوش و مرات في بيتها مقابلة مرايتها , الوحدة علمتها تصاحب روحها و مع المرايات تحكي , مرة تضحك و مرة تبكي . كانت تشوف روحها فالمرايا بزاف و فرحانة بزينها لي راه يزيد يوم بعد يوم. تمشط و تكحل و تبدل حوايجها و تتمختر و هي تدندن و تغني و تشوف في روحها كي تمشي و كي تهدر . باباها لاهي مع الشغالات و أمها مع العرضات و الخرجات و خواتاتها دايما متوانسات , و هي لقات راحتها مع المرايات. وحد النهار باباها كان في بلاد بعيدة و فالسوق شاف مراية غريبة مرصعة بالياقوت و المرجان, متقونة و متحوفة , لي خدمها لابد يكون فنان, شرى لنفيسة و فاطمة كتان و عطر السلطان المصنوع مالمسك والميموزا و العنبر و العطر الأحمر , مصنوع مالخزامى و القرنفل ,و خداوج شراها المرايا ,و نهار رجع مالسفر اعطى لكل وحدة فيهم هدية , فرحة خداوج كانت كبيرة , لكن خواتاتها بدات تدخلهم الغيرة , خباو غيرتهم و زادو بعدو على اختهم , وحد النهار فاطمة و نفيسة خرجو يتمشاو . يتنزهو و يقلعو على خاطرهم , و فالطريق شافو جندي زين و همة , و حوايج الجنود مواتيينه و طابعينه, عجبهم في زوج لكن هذا المرة كل وحدة فيهم خلات سرها في قلبها ,ولاو مرة على مرة يروحو يمشو في هديك الطريق , يتزينو و يتعطرو و يفوتو يتمخترو , هو كان لاهي بخدمته و ولا وحدة فيهم عجباتو , لكنه حوس يفهم علا ش راهم يدورو من جهته بزاف , قال نتبعهم و نشوف دارهم , بالاك نفهم سرهم , كيفاش زوج بنات زينات . و معاهم الخديمات و يشوفو في جندي كيما انا , و كيما كان الحال تبعهم حتى للدار . هوما قلبهم طار, و من هذاك النهار رجع هو لي كل يوم يفوت على الدار , بداو الخواتات يتباعدو , كل وحدة في بيتها مبلعة على روحها , هايمة و سارحة بخيالها و حاسبة الجندي راه يجي على جالها . لكن الجندي نهار تبعهم شاف خداوج اختهم , خداوج خطفت عينيه و قلبه قبل عقله و مين عرف بلي هذوك بنات ناس كبار خاف يردوه و يأذوه, عرف بلي مستحيل سلطانة تتزوج جندي, بصح القلب لحمة و الحب اعمى , ماقدرش ينسىها و قرر يبعتلها مع خديمتها. خداوج كانت صغيرة على هاد القصايص , ماقبلتش بيه لكن فضولها خلاها تطلب تشوف غدوة شكون هذا الجندي لي بعتلها و ماخافش من باباها . سمعو الخواتات بالخبر , و نار الغيرة في قلبهم زادت شعلت اكثر و اكثر , خافوها تشوفو و يعجبها . فاطمة خممت بلي فالصباح تخبر باباها باش يمنع خداوج تخرج مع خديمتها . كانت تستنى يطلع النهار و تفضح الاسرار . و فالصباح ناضت خداوج و راحت كي العادة تحكي مع مرايتها لي جابهالها باباها . تمشط و تبدل و تكحل. و هنا بدات خداوج تشوف كلش ضباب , انخلعت و عيطت و بكات, هداك الضباب غاب و رجع ظلام , طفى نور عينيها و الدار راحت بهجتها . فاطمة و نفيسة لا ماكلة لا شراب و خداوج انعمات و ماعرفولها أسباب , بااباهم كبر همو على بناتو حس بلي الدنيا لهاتو على عايلتو و ماراهش قايم بمسؤوليتو . بدا يحوس يفهم شا صرا في دارو و كيما نقولو الطريق بعينيها و الحيطان بوذنيها . قدر يعرف بقصة الجندي , لي بعت لخداوج مرسول و سمع بلي نفيسة شرات السم من عند العطار . حوس على الجندي لكن مالقالو حتى اثر , و بعث الكحل تع خداوج باش يعيروه .لعلهم يلقاو التفسير, و كيما كان الحال , الكحل كان فيه سم ,عرف بلي نفيسة شرها عماها و محبتها للجندي خرجتها من عقلها . وهي لي دارت السم فالكحل تع اختها. عاقبها و أمر باش تبقى محبوسة في بيتها حتى نهار تلقى مولاها, خداوج غاضتو,بزاف و خاف عليها تنحقر بعد ما يموت . شرالها دار ,مفابلة البحر , حيوطها متحوفين و وحوشها كله حبق و ياسمين , و الساقية فالوسط ماها صافي تروي العطشان, يوم بعد يوم خدواج بدات توالف حياتها الجديدة , و رجعتلها الروح ,فقدت الامل باش يرجعلها البصر لكن املها فالحياة زاد اكثر و اكثر , رجعت تغني و تدندن كيما كانت و تعلمت تتمتع بحياتها الجديدة, تعلمت تفرح بالنسمة و صوت الطيور فالسما و في نهار من النهارات باباها جاه ضيف مالشام , استقبلوه و ضيفوه أحسن ضيافة, حطولو من كل خير , و بالصدفة سمع صوت خداوج الحنين تغني و تدندن , هو كان كاتب و ملحن, عجبه صوتها و طلبها للزواج قبل ما يشوفها , حكاولو قصتها و مين شافها انفتن بزينها , قبلت بيه , تزوجو و عاشو مهننين و فرحانين ,,,,,,,,هو يكتب و يلحن و هي تغني و تتـــــفنن , و هكا مشات حكايتي من واد لواد و من بلاد لبلاد يحكوها لاجداد للصبيان و الاولاد

• 
  @mamlaka5604 жыл бұрын

  قصة قمه في الأداء وشي لي زادها روعة صوتك الرزين

• 
  @user-xn1wi3pd9r4 жыл бұрын

  شكرا أميرة ❤ و مرحبا بيك فالقناة

• 
  @mamlaka5604 жыл бұрын

  @@user-xn1wi3pd9r الله يسلمك اختي تعيشي وراني ابونيت عندك ونستناك دائما ربي يوفقك

• 
  @zaherbder53814 жыл бұрын

  مسا الخير لو سمحتي تقدرين تكتبي القصه باللغه الفصحى لو سمحتي القصه حلوة ورائعه لكن ما فهمتها عالمظبوط .. انا حكواتيه وبدي اتعلمها منك لو سمحتي

• 
  @user-xn1wi3pd9r4 жыл бұрын

  @@zaherbder5381 مرحبا بك سأحاول كتابتها باللغة العربية الفصحى في أقرب وقت

• 
  @AminHamlili4 жыл бұрын

  حكاية روعة وأداء أروع. قناة تستحق كل التشجيع 👏👏

• 
  @user-xn1wi3pd9r4 жыл бұрын

  شكرا 😍

• 
  @sidman63864 жыл бұрын

  طبق المثوم و ليس بوزلوف

• 
  @khadidjaben45374 жыл бұрын

  الحكايات تختلف كاين الي يقولو بوزلوف وكان الي يقولو مثوم حتى الأسماء اختلفوا فيها كاين الي يقولو فاطمة المعركة وكاين الي يقولو دوجة وكان الي يقولو يامنة

• 
  @user-el9qt3vx5l4 жыл бұрын

  يا حصراه على يامات زمان. لحكايات و البوقالات

• 
  @arabesqueart32414 жыл бұрын

  شكرا على الحكاية رااااااىعة

• 
  @celineart48274 жыл бұрын

  جميلة هي القصة . لكن انا ما فهمت المعكرة ياريت ترجمة

• 
  @user-xn1wi3pd9r4 жыл бұрын

  المعنى مذكور فالقصة , اللون العكري هو اللون الأحمر عند ناس القصبة , و شخصية القصة سميّت بهذا الاسم لأن شعرها أحمر اللون ,

• 
  @ismasakki96373 жыл бұрын

  Rouge a levre rouge.

• 
  @fatmamerzouk59484 жыл бұрын

  يعطيك الصحة اختي .. حكاية هايلة

• 
  @user-wn5it8mq5h Жыл бұрын

  مام أنا عجبتني😄😊