Еліміздің солтүстігінде тағы да көмірге талас басталды. Петропавлдағы қатты отын сататын орындарда кешелі бері ұзын-сонар кезек. Әсіресе, сапасы жақсы Шұбаркөлдің көміріне сұраныс артқан. Тіпті, отынға таласқан тұрғындар мен алыпсатарлар бір-бірімен жаға жыртыса жаздады. Ал әкімдіктегілер облыс халқының елу пайызы ғана қысқа қамданып үлгерген деп отыр.
РУСЛАН ЖАСҰЛАНҰЛЫ, тілші:
- Шұбаркөлдің көмірін сататын орынға ала таңнан ағылған көлік санында есеп жоқ. Өйткені бір апта бұрын Петропавлдағы қоймаға небәрі 10 вагон қатты отын жеткізілген. Бірақ тұрғындар оны түске дейін талап әкеткен. Арасында алыс ауылдан келіп, бос қайтқандары да бар.
ЕРБОЛ ҚҰДАЙБЕРГЕНОВ, Явленка ауылының тұрғыны:
- Айқай шу. Бәрі жанталасып жатыр. Особенно мына местныйлар бой бермейді. Қаланың ішінде доставка жасап жүргендер без очереди кіріп кетеді. Білмеймін қашан енді алып кететінімізді. Мен өзім Явленкада тұрамын. Содан келіп тұрмын. Таңғы 4-тен бері тұрмын.
Көмір алуға келгендер бұл жолы да отынсыз қаламыз ба деп қорқады. Сол себепті кезектің алдында тұру үшін бір-бірімен таласып, жаға жыртысудан тайынбайды. Тұрғындар қысы ұзақ өңірге Қаражыра мен Шұбаркөлдің көмірі өте аз мөлшерде жеткізіледі деп ашулы.
АБЫЛАЙ РАМАЗАНҰЛЫ, Смирнов ауылының тұрғыны:
- Смирнов ауылынан келдім. Онда көмір жоқ. Биыл болмайды деді енді. Қыс болды ғой. Енді қай уақытта келеді. Бізде көмір болмағаннан кейін, именно Шұбаркөл болмағаннан кейін қалаға келуге тура келді.
Отынның биыл бағасы да қымбаттаған. Былтыр бір тоннасы 16 мың теңгеге жетпейтін Шұбаркөлдің көмірі қазір 17100 теңге тұрады.
БАҚЫТЖАН ТҰРМҰХАМБЕТОВ, көмір сату орнының басшысы:
- Шұбаркөл бізде ғана. Бір-ақ тупик. Шұбаркөлдің сапасы жақсы ғой. Сапасы жақсы болған соң осыны іздейді. Бәрі бізге келеді. Сондықтан осылай очередь күнде бізде.
Ал атқамінерлер тұрғындардың бейқамдығына таң қалады. Қылышын сүйреп қыс жақындаса да жұрттың тек елу пайызы ғана қысқа қамданып үлгерген дейді.
ЕВГЕНИЯ ОСТРОВСКАЯ, СҚО энергетика және ТҮКШ басқармасының бөлім басшысы:
- Жаз бойы көмір жатты. Ешкім алған жоқ. Тұрғындар көмір алуға әлі асықпайды. Көбі шамалап қана алып жатыр. Өйткені отын алатын халықтың ақшасы жоқ.
РУСЛАН ЖАСҰЛАНҰЛЫ, тілші:
- 6 ай қыс болатын солтүстікте бір маусымға 419 мың тонна көмір қажет. Ал синоптиктер алдағы аптада күн күрт суытады деген болжап отыр. Сол уақытта көмірге деген сұраныс тіпті артуы мүмкін.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал