#tvbplus 直播靈接觸｜盂蘭節神功戲習俗大揭秘！演關公要齋戒沐浴　禁止近女色3日　仲會要加粒癦？
於被追問盂蘭是否會留一行空櫈給「朋友仔」，粵劇界大前輩、有「萬能泰斗」美譽的阮兆輝輝哥對此澄清謂：「第一行係畀鄉紳父老坐嘅。」並指確有神功戲的存在：「神功戲係酬神嘅，神保祐咗你一年，我哋咪做套戲畀佢睇咯，呢啲叫人神共樂。仲有一個原因就係積聚番個鄉情，有啲觀眾真係好遠咁由外國返番嚟。」
輝哥又指演神明確實有不少禁忌，以關公為例，除了齋戒沐浴及禁止近女色三日外，更多數會於妝容上加粒癦，輝哥說：「因為你本身唔係關公，你係扮佢咋嘛；另外我哋報名話自己係邊個時，通常遮住個臉，因為你唔係嗰個人。」思浩聞言即指在台灣「跳鍾馗」習俗也不少：「扮鍾馗嗰個全晚十幾個鐘都唔講得嘢，同埋識佢嘅人唔可以嗌佢個名。我估因為佢負責捉鬼，咁即係同鬼對立，如果（啲鬼）知道扮嗰個人係邊個就會去尋仇，當然呢個只係傳聞啫。」
#神功戲 #盂蘭節
------------------------------------------------------
記得Follow 埋TVB Plus嘅social media❤️:
/ tvbplus.official