Бүгін «Жүректен қозғайық...» айдары аясында жазушы, Ш.Айтматов атындағы Халықаралық әдеби сыйлығының лауреаты Тұңғышбай Төрегелдиевпен «Сырлы әлем» атты сүбелі онлайн-сұхбат өтілді.
Сұхбат барысында жазушы шығармашылығы, жазу лабороториясы туралы ойларымен, ұстазы ақын, журналист Н.Бегалыұлы туралы қызықты естеліктерімен бөлісті.
Және «Қазақтың Кербұғысы» атанған О.Бөкей шығармаларының өз туындыларына ерек ықпалы болғанын ерекшелей атап өтті.
Жазушы қоғам дамуына түрткі болар, сананы сілкіндірер жаңа «Шымқай-Қара», «Қаңтар қырғыны», «Қытай торғай» т.б туындылары бойынша құнарлы ой қозғап, оқырмандар сұрағына толғамды жауап берді.
Талантты қаламгер жастарды ұлтжандылық, тектілік қасиеттерді жоғалтпауға, өзіне деген нық сеніммен өмір сүруді биік ұстануға шақырып, тағылымды ойымен ерекше серпін сыйлады.
Кітапхана басшысы Р.Бабажанқызы авторға сый-сияпат көрсетіп, өз алғыс сезімін білдірді.