Сурхондарё вилоятининг Жарқўрғон туманида жойлашган “Зартепа” маҳалласи Ўзбекистон Республикаси Президентининг 2022 йил 18- мартдаги «Обод қишлоқ» дастури тўғрисида»ги ПҚ-5048-сон қарорига кўра ободонлаштириш рўйхатига киритилган. Ва бир қарашда ҳудудда ишлар рисоладигидек олиб борилмоқда. Йўл қурилиши, аҳолини электр ва сув билан таъминлашга қаратилган лойиҳалар амалга оширилаётгандек. Аммо, зартепаликлар қурилишдаги муаммолар сабаб лойиҳа ишларидан кўнгли тўлмаётганликларини айтишди.