Bugun Zangiota tumanidagi "Ramadan" MFY hududida tashkil etilgan tibbiy koʻrik davomida 385 nafar fuqarolar chuqurlashtirilgan tibbiy ko‘rikdan o‘tkazildi, 205 nafar fuqarolarda turli kasalliklar aniqlandi
Shundan 177 nafar bemorlarga ambulator sharoitda davolanishga, 21 nafar bemorlarga tuman, 4 nafariga viloyat muassasiga va 3 nafar bemorga Respublika ixtisoslashtirilgan ilmiy amaliy markazlariga davolash uchun tavsiya berildi.
Tibbiy ko‘rikda viloyat tibbiyot markazlari va Zangiota tuman tibbiyot birlamasi ko‘p tarmoqli markaziy poliklinikasida kardiolog, LOR, onkolog, endokrinolog nevropatolog, oftalmolog, urolog, ginekolog, terapevt, teri-tanosil kasalliklar, pediatr mutaxassislari ishtirokida laboratoriya, EKG, UTT va skrining tekshiruvlari o‘tkazildi.
Bundan tashqari, viloyat davolash muassasalari taqdim etgan mobil oftalmologiya diagnostika tekshiruvlari ham o‘tkazilgani ayni muddao boʻldi.