足本訪問:MIRROR無懼黑圖 為新歌《WE ARE》零偶包 Anson Lo獲姜濤大讚鐵劉海 自封「Spray王」|Viu1 現場實況
Ойын-сауық
足本訪問:MIRROR無懼黑圖 為新歌《WE ARE》零偶包 Anson Lo獲姜濤大讚鐵劉海 自封「Spray王」|Viu1 現場實況
MIRROR一連12場嘅紅館騷《MIRROR.WE.ARE LIVE CONCERT 2022》仲有3日就開鑼,當然要整首演唱會主題曲啦!今次新歌《WE ARE》仲係MIRROR今年第2首派台團歌添,今次鏡仔透過歌聲,感謝每一位Fans之餘,亦同大家約定不論係開心戀愛、寂寞害怕嘅時候,只要有需要,MIRROR都會喺身邊陪住你,同大家一齊走過高低起跌。12子更視《WE ARE》為入場睇演唱會前給fans的熱身作,AK分享:「呢首主題曲係比較開心啲,希望大家入場睇嘅Fans同埋觀眾都能夠感受我哋嘅正能量。編舞方面,Rock Sir特別編咗一段比較Signature嘅舞蹈,唔算好難,希望大家可以跟住一齊跳,一齊開心!」
而喺MV入面,可見12子化身銀河宇宙守護隊隊員零偶包玩到癲,完全無懼大量黑圖湧現啊!Alton仲話:「以往會放低偶包拍嘅MV有《Ignited》或《All In One》裡面扮鬼臉一幕,而拍攝《WE ARE》時同導演溝通,想今次有啲周星馳嘅舞步,起初做出嚟都太似跳舞,導演想睇落唔似舞步嘅步法,咁先俾大家睇到亂舞嘅MIRROR俾大家睇,所以喺現場就度咗一啲發癲、發狂、發喪嘅舞姿,都幾有Feel!」若果有欣賞過《Boss》MV,都應該記得Edan同Jer相映成趣嘅搞笑功力,無錯!今次他們又再合體,仲親自度出瘋狂絕妙嘅搞笑場口添!Jer仲爆料話:「導演一嚟到就話,喂!好掛住你哋兩個孖寶呀!今日都係整返個孖寶先啦!」而對於自己度嘅笑料,Edan都好滿意!
玩到咁癲,唔怕黑圖咩?聽到呢個疑問,Anson Lo即刻表示:「黑圖?完全唔介意,因為平時都大把黑圖!」姜濤都話:「我哋平時都會Post大家嘅黑圖。」Anson Lo亦補充:「就算我哋以往嘅MV,睇落冇黑圖,但其實喺某啲位嘅0.1秒突然pause,我哋啲跳舞樣都會變咗黑圖。」雖然話放低偶包,但姜仍大讚Anson Lo,叫大家留意MV當中細節,說:「今次係第一次大家都咁癲,《Ignited》、《Boss》都冇咁瘋狂,不過呢個MV最勁係Anson Lo個頭點揈個蔭都唔會郁!」Anson Lo聽罷也自豪道:「我係Spray王,ok?!」
除了推出新歌,紅館騷星期一就開鑼,12子都不忘提提大家入場備忘,Lokman率先提醒:「背好晒歌詞,聽多幾次我哋嘅歌,順手撐一下Hit Rate。」AK則溫馨提示:「帶多個口罩,因為跟住我哋跳舞會濕晒,另外我哋勁歌熱舞跳到濕晒呢,大家都會好興奮,都會出晒汗跟住濕晒喇,所以要帶定毛巾抹汗。」Jeremy提大家要帶飛,Ian就話:「去定Toilet,因為冇廁所位。」AK聽到即刻強調:「特別唔好揀佢唱時去廁所呀!」
#MIRROR #紅館演唱會 #MIRRORWEARELIVECONCERT2022 #演唱會主題曲 #WEARE #MV #零偶包#Spray王 #盧瀚霆 #姜濤 #邱士縉 #楊樂文 #搞笑孖寶 #呂爵安 #柳應廷 #李駿傑 #陳卓賢 #江𤒹生 #王智德 #邱傲然 #陳瑞輝 #Viu1娛樂新聞 #Viu1 #Viu #黃Viu煲劇平台
_____________
►訂閱 Viu1 娛樂新聞 KZread Channel: bit.ly/3lYFNLW
►追蹤 Viu1 娛樂新聞 Instagram: / viu1hk
►讚好 Viu1 娛樂新聞 Facebook page: / viu1hk
►觀看更多精彩內容:www.viu.com
Пікірлер: 95
我覺得我去了一個叫做「MIRROR星際幼稚園」的地方,一班小朋友與一隻怪獸玩得很開心,相信12子在拍的時候也十分高興,偶爾瘋一下其實很減壓。
真高興最近KT同AL互動多左,最好睇又最啱key嘅一 pair, 超正
好高興見到姜濤和教主一齊做訪問 很有兄弟feel 很可愛
好開心見到教主同KT一齊 ❤❤❤
Jerdan世一🥰搞笑孖公仔😂
We Are 超好睇,笑到反肚😂
突然好想睇佢地12個拍賀歲電影 佢地勁有喜感
@muilingpang2795
2 жыл бұрын
強烈要求拍賀歲片
@lenglengwatches674
2 жыл бұрын
贊成👍👍
真係好鍾意佢哋十二個一齊嘅訪問或者演出,好好笑又熱閙!!真心希望佢哋一路順利,每一個演出都成功無阻礙!!㊗️演唱會演出順利成功!!
Anson Lo,Edan 同Jer 都好可愛❤好中意團訪問❤
後排左邊5個係咁搖呀搖呀搖😆😆😆
Mirror 12子一齊就會令人感到心情愉悅和興奮,這個MV更帶给我們歡笑。㊗️演唱會順利、成功、Good Show! 希望Mirror 在樂壇上更上一層樓,繼續發光發亮,走得更遠。更期待12子能演出賀歲喜劇,為我們帶來更多的歡樂💪🏻💪🏻💪🏻
團訪實在太正😍😍😍佢地12個一齊就係好睇🤩🤩見到就令人開心🥳🥳
Jerdan 有天然默契 超夾超搞笑😹😹
mv好好笑😆Jerdan 世一👍 期待演唱會一齊唱🔥🔥🔥
🤩12個都好好睇呀 ❣ 真係好鍾意Jerdan 呀 😍
感謝 報導🙏🏻♥️無偶包的👱🏻♂️教主好可愛😍🥰整個MV都拍得好開心😆期待演唱會全場大合唱🥳
12子一齊就好嘈好搞笑👏🏻👏🏻期待團綜🙌🏻
姜濤呀!😍😍
超鍾意個MV, 姜son 互動好正仲有jerdan 🤣
教主好可愛, 好有型! 👶🏻❤️👱🏻♂️ #盧瀚霆 #AnsonLo #教主
12子 新MV 真係好搞笑,你們放下偶包,做回自己開比的一面,好多謝你哋帶咁多歡樂比我地,睇到你們都拍得好enjoy 👍😁🧡🦊🖤
睇到另一個風格嘅Mirror好正❤️好輕快嘅旋律配合12子搞笑誇張表情同埋調皮嘅舞步,睇得大家好開心😂你哋嘅可塑性真係好高👍尤其喺度fing晒頭嗰part好搞笑,教主頭髮點fing 都唔亂🤣令我諗起BLACKPINK Lisa嘅瀏海髮型一樣咁穩如泰山🤣用咁嘅方式救地球真係好得意好creative,你地真係好可愛,唔通你地就係Baby Mirror🤫🤣 祝Mirror演唱會good show🤩
個MV好正😂😂😂好鐘意睇成班大細路咁 Jeremy係MV入面勁cute🥰💜🦄💙 #JeremyLee #Jeremy李駿傑 #李駿傑
教主👱🏻♂️好可愛😍《WE ARE》係一首開心輕快嘅跳舞曲🥳 教主👱🏻♂️英文rap好正🤩 期待紅館一齊大合唱一齊跳🙌🏻♥️
教主同兄弟好搞笑可愛😆
Lokman,發型掂呀,好靚,keep 住
估唔到MIRROR演唱會前帶俾大家一首咁開心😃嘅團歌!Jeremy盡力搞笑真係好搞笑😆😂 多謝提醒演唱會要帶毛巾, 真係要帶 #九 #米 #半 長毛巾入場呀😁 💜🦄💙
Jeremy is so cute 💜💜
Jeremy成個MV都顧住支叉,好cute 🥹🫶🏻 鐘意佢地12個一齊玩😍
希望演唱會一齊唱啦 首歌真係好正 好好笑🧡🦊🖤 #江𤒹生 #ansonkong #AK #mirror
呢個MV老闆一定拍得好開心 #ansonkong 🧡🦊🖤
教主好可愛,好有型🥰🥰。同Mirror 其他兄弟既互動好攪笑😂
好正😂😂😂
盧瀚霆有型靚仔又可愛❤️ 教主黑圖都靚仔喎😍 👶❤️👱♂️ #盧瀚霆 #教主 #AnsonLo 🦍 #KingKong
#ansonkong江𤒹生 咁鬼cute😚😚😚
Mirror 兄弟新MV好歡樂好開心呀😍😍😍 教主好可愛好Cute Cute❤️❤️❤️ 👶🏻❤️👱🏻♂️
4:10 既Ian好可愛 個mv 個個都好搞笑😆
12子好搞笑😆 教主好可愛,演唱會加油,教主Good Show 🔥
係一首好適合演唱會嘅主題曲,好開心12子即將踏上紅館,預祝Good Show!! 🥳🍻🥂 ❤️❤️😍😍🥰🥰 #ansonlo #ansonlo盧瀚霆 #盧瀚霆 #教主 #mirror
I really miss Mirror , can't wait for them to come back
皮皮壇數高😂😂😂
皮皮天然喜感, 真係掂過碌蔗. 🤣😂🤣😂🤣
Ak 永遠都咁可愛🧡🧡 最喜歡傻傻地大笑到停唔到嘅豬兜🤣~~
銀河守護隊好正!個副隊長 #ansonkong 好呆好盟 🧡🦊🖤
Jerdan 世一!!
成個MV真係好正,好搞笑😆見到12子拍得好開心,好enjoy 😚 教主好可愛,好得意😍 👶🏻❤️👱🏻♂️ #教主#AnsonLo#盧瀚霆
Alton 個角色好正,仲有嘣壞Jerdan孖寳無得輸導演有眼光,生意失敗樣嘅隊長都好正。成個MV好好笑。演唱會加油💪
MlRROR. 可愛
睇完好放鬆🤣🤣🤣,同之前不一樣,好有驚喜!👍👏🏻👍👍👍
放低偶包可以玩下好正吖,教主好有幽默感,做啲動作好鬼馬好搞笑,演唱會仲可以有得一齊跳下舞一定好high!
個個都咁可愛!❤️😍😍❤️
令人開心既MV #mirror 12子好攪笑 老闆依然有型靚仔 #AnsonKong 🧡🦊🖤
感謝報道❤️Anson Lo 好靚仔😍😍😍😍
陳卓賢個像好攪笑!
演唱會見😍😍
教主表情好鬼馬🤣Anson Lo著太空服好有型!
“創作力量同幻想,會嚇你一跳”😜
陳好可愛🥲💙💙💙
佢地真係好搞笑,特別係Jerdan 😂😂😂
后面一排一起摇摇好搞笑😂
套衫好麻麻喎,見到一起都好開心。加油
#姜神世一 仲有Jerdan好正好好笑
MV睇10次都好好笑🤣🤣
Never 搞笑
姜濤又挨落Stanley 膀頭,又嗲他
🧡🦊🖤
Jeremy 好笑
Jerdan❤️❤️❤️❤️❤️❤️❤️🥹👏
去咗守護精神科院?? 🍑🍑狂濤出沒注意😂😂 #作品的說話 #姜濤 #keungto #鏡中鏡 #高加孝 #季前賽
拯救地球?🤣🤣咪全城低能fing頭!😘😘😘
見d毒粉又留言抹黑某主,硬係要咁講的話,某主生日風頭一時無兩,邊個痴邊個都未知 明眼人都睇得出係某主人氣太高,d毒粉覺得威脅到某姜,先成日要抹黑某主啦 咩毒粉比dislike,一目了然啦,過主啦
@Kfhjj5788
2 жыл бұрын
如果某姜真係有實力,咁得人歡心,毒粉洗咩靠無中生有,不斷抹黑,踩低隊友呀,毒粉比d信心某姜啦
@Kfhjj5788
2 жыл бұрын
真心討喜,某主人緣好,從造星一比賽開始已同Edan好fd,當時某主係Eye catching idol,Edan仲係寂寂無名,一直互相扶持,到大叔的愛爆紅,令某d毒粉眼紅,不斷抹黑分化,真替佢哋可憐,點解妒忌心咁重,你哋咪已結盟哥弟囉,仲想分化登神?可唔可以唔好咁黑心
@Kfhjj5788
2 жыл бұрын
明明個訪問咁開心,d毒粉硬要抹黑分化,心地真差
@bbitsme7971
2 жыл бұрын
哩啲叫做欲加諸罪,何患無辭?!睇你唔順眼,梗有方法入到你!行近啲叫菠蘿雞,離遠啲就投訴人囂唔啋你。倒轉自己粒星做就乜都得,放個屁都係香既!啲黑粉唔照吓鏡睇吓自己有幾變態!如果用同樣推理 ,AL 生日亞姜 po 圖祝賀咪好虛偽囉?! 唔好以為乜嘢哥舆弟結盟,佢哋只係無所不用其極利用陳仔玩分化,陳仔二月隻歌 好view 數,同一班人一樣走去留言暗示陳仔買 view 數,又無釐啦加話 ViuTV 做不可能的事㩒底「鏡中鏡」view 數同 like 嚟打壓自己粒星,全部都係跌咗個腦,無理取鬧既無知黑粉,唉!陳仔之前被方向報黑,啲毒又走出嚟話乜嘢哥與弟同病相連被打壓一定撐陳仔,點知發覺原來間接幫陳仔推新歌蝕曬章,人哋隻新歌出又唔見同一班黑粉去 support 留吓言囉! 其實班黑粉邊個紅少少就一窩蜂去打邊個㗎啦!如果 德仔同大表哥出 ISwim 突然爆紅,咪一樣去搞佢哋!
@katrinachips
2 жыл бұрын
好地地一個咁開心嘅訪問都俾毒粉攪到酸溜溜。真心覺得佢地雖然唔係超friend,但係一定係好兄弟, 互相扶持鼓勵果種! take it easy babe
呢首歌真喺正? 我直心覺得這首歌喺垃圾,完全冇誠意.喺當歌迷是儍的嗎?非常失望。歌曲都很悶,
有進步過咩😣