អបអរសាទរទិវាអន្ដរជាតិជនជាតិដើមភាគតិចពិភពលោកលើកទី២៩និងលើកទី១៩នៅកម្ពុជា។
នេះជាសារបស់លោកស្រី យុន ម៉ាណេនាយិកានៃអង្គការជនជាតិដើមភាគតិចកម្ពុជាជូនចំពោះយុវជនជនជាតិដើមនិង រាជរដ្ឋាភិបាលផងដែល។ “ខ្ញុំសំណូមពរទៅដល់យុវជនជនជាតិដើមភាគតិចទាំងអស់ នៅទូទាំងប្រទេស ទោះជាយើងនៅក្នុងទីកន្លែងណាក៏ដោយ នៅក្នុងកម្រិតណាក៏ដោយពួកខ្ញុំស្នើរសុំធ្វើមិចពួកយើងរួបរួមគ្នាចូលរួមចំណែកតាមលទ្ធភាពដែលយើងធ្វើទៅបាន ដើម្បីជួយទៅដល់ការលើកកម្ពស់ការលុបបំបាត់នូវការរើសអើង ក៏ដូចជាការរួមចំណែកជួយទៅដល់ការអភិរក្ស នឹងការអភិវឌ្ឍទៅលើប្រពៃណីទំនៀមទម្លាប់ល្អរបស់ជនជាតិដើមភាគតិចយើង កុំឲ្យមានការបាត់បង់ ព្រោះប្រពៃណីទំនៀមទម្លាប់របស់ជនជាតិដើមភាគតិច ចំណេះដឹងយើងគឺជា កេមរតក ឬជាមរតកមួយសំខាន់ណាស់សម្រាប់យើងជាជនជាតិដើមភាគតិចខ្លួនឯង ហើយនឹងសម្រាប់ជាតិយើង ចាស៎ អីចឺងយើងត្រូវការបងប្អូន ឬក៏ប្អូនៗ យុវជនជនជាតិដើមភាគតិចហ្នឹង ជាចាំបាច់ដែលខាតមិនបានដើម្បីយើងចូលរួម ទោះជាយើងមិនមានចំណេះដឹង បានរៀនសូត្រជ្រៅជ្រះ ប៉ុន្ដែយើងអាចជួយទៅតាមលទ្ធភាពទៅតាមផ្នែកណាមួយនៅក្នុងសហគមន៍របស់យើង ក៏ដូចជានៅក្នុងខេត្ដ ឬក៏នៅក្នុងប្រទេសទាំងមូល ហើយនាងខ្ញុំក៏សូមសំណូមពរទៅដល់ស្ថាប័នជាតិ និង អន្ដរជាតិ ជាពិសេសរាជរដ្ឋាភិបាលសូមមេត្ដាជួយបន្ដជម្រុញ អើ!ជួយទៅដល់យុវជនជនជាតិដើមភាគតិចឲ្យបាន មានឱកាសនៅក្នុងការ ទទួលបាននូវការអប់រំ ក៏ដូចជាការទទួលបាននូវសេវាផ្សេងៗ ដើម្បីគាត់អាចចូលរួមចំណែកធ្វើកិច្ចការងារអភិវឌ្ឋន៍ និងអភិរក្សទៅដល់ប្រពៃណីទំនៀមទម្លាប់ក៏ដូចជាការអភិវឌ្ឍសហគមន៍ជនជាតិដើមភាគតិចប្រកបដោយចេរភាព សូមអរគុណ!”
#ipsday23