真好聽多謝陳小姐❤

情腔均佳

由30年前購買[陳玲玉]第一盒粵曲聲帶開始…至今時今日佢瀕近退休之年, 我不下聽咗佢嘅曲亦達30年之久; 我綜合咗佢嘅粵曲唱法風格水平…其實係不足以用”藝術家”去銜稱佢。 [陳玲玉]唱平喉嘅最缺失點係: 佢用嘅線口高， 所以佢每每取高腔(弱點係去唔到低音), 只可惜佢係慣用80%女性假聲去高子, 唔懂得提起丹田去用真嗓而作出剛陽化咁發聲套腔, 換句話講: 係一種過於”錫聲”嘅陰柔唱法, 加上佢鼻音重…鼻腔受到阻礙, 未能夠聲氣通七竅, 一直鼻盟盟咁去唱文曲武調。 仲有彈唱粵曲表演…唔係以唱演果陣嘅”華麗陣勢”作為招徠, 須知道: 聆鑒粵曲…係品嚐曲藝當中嘅真善英, 絕唔係著眼喺多采多姿嘅靚衫同埋姿勢; 君不見~上乘嘅[評彈/彈詞]演唱, 表演者亦不過係正襟危坐、手抱琵琶、邊彈邊唱咁去純粹滿足觀眾? 佢嘅作品…最令我較為滿意嘅係~曲子旋律結構組織每有新意(例如:取用[午夜遙聞鐵馬聲])、獨唱曲多數短小精幹, 同埋~最聰明嘅係加上管弘樂伴奏以助演唱聲勢。 [陳玲玉]嘅唱曲天賦同天份都只屬一般, 冇畀人有驚喜之處, 佢對傳統腔口嘅認知感悟能力有限, 之所以佢自己都表示: “我唱[徐柳仙]作品…係唱佢嘅曲, 而唔係唱佢嘅腔”; 講真一句~[陳小姐]係冇能力去100%咁仿效到[柳仙姑]嘅基本唱法; 更遑論佢成為[風叔]弟子之後~會有咩嘢嘅曲藝起色、進化或者蛻變痕跡。 本人認為: 如果[陳小姐]一早係以演奏琵琶作為佢行走藝術之路嘅方向, 或者仲可以大有作為; 因為~佢嘅琵琶演奏能力…相比佢演譯粵曲嘅水平~實在係高出好多倍。