E’tibor va ishonch katta kuch
Mamlakatimizda yoshlarni qo‘llab-quvvatlash, bandligini ta’minlash, ularning doimiy daromad manbayini shakllantirish masalalariga alohida e’tibor qaratilmoqda. Har bir mahallada 14 yoshdan 30 yoshgacha boʻlgan, ijtimoiy ahvoli ogʻir, davlatning g'amxo'rligi va e'tiborini kutayotgan hamda koʻmakka muhtoj yoshlarning roʻyxati shakllantirilib, mas’ul rahbarlarga biriktilgan.
Sirdaryo viloyati soliq boshqarmasi boshlig’i, 4-sektor rahbari Ulug’bek Xatamovga Guliston tumani “Ahillik” mahallasida yashovchi 14 nafar ana shunday toifaga kiritilgan yoshlar biriktirilgan bo’lib, uyma-uy yurib, yuzma-yuz uchrashish asnosida ularning muammolarini ham bartaraf etish, ertangi hayotga ishonchini uyg‘otish kabi manzilli ishlar amalga oshirilmoqda.
Joriy yilning 23-aprel kuni boshqarma boshlig’i o'ziga biriktirilgan yoshlar ya'ni ishsiz hamda migratsiyadan qaytgan yoshlar va ularning ota-onalari bilan uchrashib, suhbatlashdi. Ulardan uch nafarining tomorqa uchun yer maydoni ajratish bo’yicha murojaatlari ijobiy hal etildi, bir nafardan ishga joylashtirildi, harbiy guvohnoma olinishida yordam ko’rsatildi.
Ayniqsa migratsiyadan qaytgan yoshlar bandligiga alohida e’tibor qaratilmoqda. Uchrashuvlarda har bir yoshning dardini o‘ziniki sifatida qabul qilgan sektor rahbari ularga sharoit yaratib berishga, qo‘llab-quvvatlashga kelishib olindi. Zero, e’tibor va ishonch yoshlarga katta kuch bag’ishlaydi.
#4sektor
#yoshlar_uchrashuv