Қазақтың ұлттық мәдениетінің ең байырғы, аса құнды салаларының бірі - қолөнер.
Көне дәстүрлерді көздің карашығындай сақтап және байыта отырып, халықтық қөркем қолөнер кәсібі қазіргі мәдениеттің айқын құбылысы болып, үй тұрмысының маңызды және бөлінбес құрамына айналды.
Қолөнер туындылары қайталанбас және алуан түрлі: әсем әшекейлерден және шағын ойыншықтардан бастап күрделі кестеленген композицияларға дейін және көлемді кілемдерді, тоқыма матадан жасалған көп заттық жиынтықтарды, шыны, ағаш және металл бұйымдардарын қамтиды.
Заман талабына сай қазіргі уақытта жас таланттарда қолөнерге бет бұрып жүр. Сондай дарынды әрі жас қолөнер шебері Амангелді ауданында тұрады.
Жастайынан анасынан тәлім алып, түрлі бұйымдар жасап үйренген Нұрсұлу қазірде 65 оқушы тәрбиелеп отырған жас шебер.
Он саусағынан бал тамған жас шебер Нұрсұлудың қолынан шыққан бұйымдарды назарларыңызға ұсынамыз.