Шымкент қаласы Абай ауданы №54 жалпы орта мектептің оқушысы Роза Достаева «Qazaq Epos» республикалық ағарту жобасы «Тұлпар мiнiп, ту алған» байқауына үлкен ынтамен дайындалып жатыр. Роза өзге ұлт өкілі болса да, 5206 жолдан 132 беттен тұратын «Қобыланды батыр» жырын жаттау қиын болған жоқ дейді. Өзбек халқының атынан шыққалы жатқан оқушы жыр жаттау барысында қазақ халқының салт-дәстүрлерімен танысып, рухани байығанын айтады.
Естеріңізге сала кетейік, «Тұлпар мініп, ту алған!» байқауы 6-10 сынып оқушыларының арасында өтуде. Байқау аясында қатысушылар 132 беттен 5206 жолдан тұратын «Қобыланды батыр» жырының Марабай жырау нұсқасын жатқа айтып, жырдың ішіндегі көнерген, тарихи сөздердің мағынасын ашып, қазақ тілі мен әдебиеті оқулығы бойынша әзірленген сұрақтарға жауап береді.
_
Шымкент қаласы бойынша байқаудың аудандық кезеңдері 31-і қазанға дейін ɵтедi.