«Chevron» компаниясы ұйымдастырған «Sustainability Living Lab» /Сэстейнэбилиди ливинг лэб/ жобалар сайысында Қорқыт ата атындағы Қызылорда университетінің студенттері ІТ саланы серпінді дамытуға бағытталған жобалар ұсынды.
Былтыр басталған жобалар сайысында Қорқыт ата атындағы Қызылорда университетінен 6 қатысушының 2-уі студент грант иегері атанды. Солардың бірі -Темірлан Әбжанов. Ол органикалық қалдықтарды өңдеу арқылы топырақты құнарландыру жолын ұсынса, Саят Қанатұлының «Smart Bench» жобасы мамандардың қызығушылығын тудырған.
САЯТ ӨРІКБАЕВ - «KYZYLORDA HUB» БИЗНЕС ИНКУБАТОРЫНЫҢ РЕЗИДЕНТІ //«Мен ұсынған «Smart Bench» жобасы − университетіміздің бас оқу ғимаратының алдына күн панельдері орнатылған смарт орындықтар қоюға бағытталған жоба. Негізгі мақсаты − кампус ландшафтарын өзгерту, экологиялық мәселелерді тұрақты шешіммен қамтамасыз ету, университетіміздің инфрақұрылымының дамуына үлес қосу. Жалпы айтқанда күн сәулесінен қуат алатын «ақылды» орындық. Ол әдеттегі орындықтардан зарядтау станциясы ретінде жұмыс істейтін кіріктірілген күн панелімен ерекшеленеді. Олардың көмегімен бір уақытта бірнеше телефонды қуаттауға болады//
Ал Назарбаев Зияткерлік мектебінің оқушысы Раушан Тұрғанбай командасымен табиғи апаттар кезінде жедел әрі оңтайлы шешім шығаруға бағытталған жоба жасаған. Осы арқылы Раушан Үндістан мемлекетіне 10 күн тәжірибе алмасуға мүмкіндік алды.
РАУШАН ТҰРҒАНБАЙ - НАЗАРБАЕВ ЗИЯТКЕРЛІК МЕКТЕБІНІҢ ОҚУШЫСЫ
Осылайша аймақта үздік деп танылған 17 жобаның әрқайсысына 1 млн 300 мың теңге көлемінде арнайы грант бөлінді.
Сайт - qyzylordatv.kz/ru/live
Facebook - / qyzylordatv
Instagram - / qyzylordatv
Telegram - t.me/qyzylords_tv
Tiktok - / qyzylorda_tv