Аллаһ Тағала да қиямет күні құлының амалынан ықылас іздейді. Аллаһ Тағаланың құзырында амалдар тек ықыласына қарай өлшенеді. Яғни, ықылассыз, ізгі ниетсіз амалдың Алланың құзырында бес тиындық та құны жоқ.
Бұл мәселені Жәләләддин Руми Мәулана да былай деп көркем сипаттаған: «Дүниеде екі грамм алтын үшін екі тонна топырақ електен өткізіледі. Ақыретте де солай. Ниет алтын тәрізді. Көп амал емес, ықыласты амал керек. Қаншама жасалған амалдардан ниет ізделеді, ниетке қаралады. Аллаһ үшін болған амалдар ғана таңдап алынып, қалғандары лақтырылады»...
Ендеше әрбір амалымыз бен құлшылық-ғибадаттарымыздың риясыз, ықыласты болуына мән берейік.
#тасаууф #сопылық #салтансайранұлы #ықылас #иман #ізгілік #аман #ниет #ислам #көңіл #мәулана #руми #сүт #сиыр #қан #жын #мақтан #рия #насихат #үгіт #білім