دارت محاورة رزحه في ولاية صور ( منطقة مخاء ) بمناسبة عيد الفطر المبارك
بين الشاعر / سعيد بن أحمد بن محمد الشعيبي والشاعر / عبدالله بن سعيد بن مصبح الراسبي عصر يوم الجمعه بتاريخ ١٢/٤/٢٠٢٤
سعيد الشعيبي
صلوا على من زار مكه والحرم
شفيعنا يوم القيامة قايمه
بنثر تحيه وسلامي عليهم هم
اهل الشجاعه والكرامه الدايمه
عبدالله الراسبي
يوم اعتزى القريشي وبالسيف اعتزم
ثنت قريش على مراسي علايمه
حيا بصفا واصل من عالي القمم
لي قاطع البيداء وبرور الحايمه
سعيد الشعيبي
من سبكم وصلنا وادينا اللزم
كل واحدا منا بسيفه ومحزمه
اذيه ليلتن خصيبه والمرعد نهم
دايم ف راحه والليالي المظلمه
عبدالله الراسبي
يلها سمعتن من زمن ماضي وقدم
ولها شجاعه ف الوطن متقدمه
منها العدو ما نال حظه لو سهم
خيار المهند ف الصفوف مرسمه
سعيد الشعيبي
هل صور ساكن في حشايه ودهم
واللي م حاضر معنا مدعاي سهمه
يا صاحبي عندي الدليله والعلم
مسور عليها بسور ما حد يقحمه
عبدالله الراسبي
ياللي تسبب تالي ما فاده الندم
ايزى على شورا دمير يحطمه
ودي اساير لين حتى والخطم
لين شف لي فارس بشور اكلمه
سعيد الشعيبي
ياللي مشي عنده دليل ولا علم
الشاهد الله ما حدن يلومه
الراسبي عندي عزيز ومحترم
صبح وعصر ادعي إلهي يسلمه
وتمت محاورتهم ....
كاتب المحاوره ايمن بن خلفان بن مسعود الباز الشعيبي .....