XƏZAN LİRİKASI / MM VERSİYASI (4K)
🍁🍁🍁🍁🍁🍁🍁🍁🍁🍁🍁🍁
Yaman qəmlisən...
Xəyalın kəsdirib yenə yanımı,
Həsrətə bürüyüb hər bir anımı,
Nisgilli baxışın allr canımı,
Üçbulaq maralı, yaman qəmlisən...
Bahara dönmədi hicranın qışı,
Donacaq könlündə eşqin göz yaşı,
Tərk etmir çöhrəni kədər qırışı,
Üçbulaq maralı, yaman qəmlisən...
Ömrün şirinliyi gözəl gündədi,
Bilmirəm nisgilin məramı nədi,
Sanki bu dünyanın dərdi səndədi,
Üçbulaq maralı, yaman qəmlisən...
Nakam qalıb arzun, diləyin yəqin,
Qara gözündəsən fələyin yəqin,
Sevgidən incimiş ürəyin yəqin,
Üçbulaq maralı, yaman qəmlisən...
Akifin könlünə rəhm elə barı,
Ərisin Xəzanlı həsrətin qarı,
Üzəcək qəlbini eşq acıları,
Üçbulaq maralı, yaman qəmlisən...
Akif Xəzan Qarayev
Sumqayıt şəhəri
05.06.2022
16.06