حي زولك
كلمات: قوس
الحان: عزوف
توزيع: مروان
ايقاع: هاني الدوسري
مكس: جاسم محمد
ناظري يانجد عالي كل هام
زلزلي طلّو عالين المقام
أقبلو طلّو هل العوجا العظام
هللي في آل عبدالله الكرام
حيّكم ياعيال شيخٍ للشيوخ
محمد اللي فوق هامات الغمام
وارحب إقبل ياحفيد الأكرمين
ياحفيدٍ للسعود بن الإمام
حي زولك ياعبدالله هلا
يانسل منهم خذوها بالحسام
ياولد خالد وخالد حازها
عز بأخوالٍ وعزٍ من عمام
فالك الليلة ياعبدالله وجب
وساقلك ربي نصيبك بالتمام
بنت ذاك اللي خذا من طبع ابوه
خالد بن الشهم عبدالله الهمام
ياعسى عمرك على الفرحه يدوم
وياعسى عمر الهنا لك مستدام
وياعسى ربي ينوّلك الرضا
وتحيا ياعبدالله بحب وسلام