姚焯菲鍾柔美詹天文合體綵排 笑言最緊要飽肚迎戰
姚焯菲(Chantel)、鍾柔美(Yumi)、詹天文(Windy)下星期將會舉行演唱會，Chantel日前由新西蘭返港，終於可以三小花合體，為嚟緊開騷綵排，佢哋一齊練習多首快歌，包括《Cya》、《Magnetic》同《SHEESH》等，首度合體綵排就似模似樣。面對開騷在即，佢哋都話有信心為歌迷送上最好嘅演出，心情緊張又激動，Chantel話因為要演出唔同年代嘅歌曲，未算好熟習，歌詞都未能夠100%記好，但有信心到時會做得到。Yumi亦為不同年代歌曲努力練習中。
三小花除咗會演唱唔多年代嘅舊歌之外，跳舞亦係一大亮點，連日嚟佢哋都不停練舞，進度良好，Chantel透露每日都有近五小時嘅跳舞堂，而Windy就感謝舞蹈員嘅配合，即使佢哋三人不在場，舞蹈員都日夜綵排，令佢哋可以隨時接入，佢哋都希望有驚喜帶畀大家。
好多時歌手開騷少不免都要節食keep fit，不過對於青春無敵嘅三小花就冇呢方面嘅煩惱，並無刻意控制飲食，令人聽到都好羨慕。Chantel剛返港工作密麻麻，幾乎無時間進食，所以節食對佢來講並唔係難關。Windy一直少食晚餐，會加強運動應付開騷，考慮邊唱邊運動嚟鍛鍊。而擅於跳舞嘅Yumi笑言冇飲食限制，因為自己跳舞運動量較大，最緊要係唔好餓個肚，反而要食好啲先有動力去迎戰。
#姚焯菲 #鍾柔美 #詹天文 #Cya #Magnetic #SHEESH #演唱會 #青春無敵 #控制飲食 #鍛鍊 #綵排#TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0