現場實況：🎬直擊第17屆亞洲電影大獎🏆頒獎典禮紅地毯盛況2 范冰冰揭同遊香港緋聞男伴真實身份 陳靜唔要男神👩🏻想同撞樣冰冰集郵 林明禎跣腳幸得柯煒林英雄救美全紀錄👨🏻｜Viu1 現場實況
第十七屆亞洲電影大獎頒獎典禮今晚喺西九戲曲中心舉行，出席藝人、頒獎嘉賓及候選電影人，於傍晚5時左右開始進入紅地毯，現場星光熠熠，包括張藝謀、是枝裕和、李英愛、梁朝偉、劉嘉玲、鈴木亮平、趙麗穎、許瑋甯、泰男神Win Metawin、蔡卓妍、黃梓樂、范冰冰、陳欣妍、林明禎、袁澧林、柯煒林、陳靜、吳家忻、梁洛施、陳湛文、關錦鵬、李駿碩、吳慷仁等等都有出席！
久未喺香港露面嘅內地女神范冰冰，是夜負責頒發「最佳男主角」，佢喺紅地毯受訪時話有回家嘅感覺！冰冰話所有男主角都好優秀，特別點名睇好日本影帝役所廣司、金馬影帝吳慷仁！講到佢被fans喺香港outlet「野生捕獲」同男伴shopping，疑有新戀情？佢澄清係識咗20幾年嘅朋友張帥，努力搵男友中，更自爆大把追求者！
而香港女神Dada陳靜性感現身，自認做足安全措施，仲為咗靚靚而節食同做Gym。講到現場雲集男神，Dada嘅集郵list竟然唔係仔，而係女神范冰冰！講講吓，佢DaDa同冰冰都好似有啲似樣喎！
至於台灣女神許瑋甯事隔5、6年再嚟香港，佢孖導演陳以文頒發「最佳男配角」，怕醜話想同梁朝偉集郵！佢笑話此行只快閃3日，所以今朝勁早起身去飲茶，食最愛嘅蝦餃，老公邱澤因為要開工就冇同行！有指瑋甯備孕中，佢回應順其自然，仲有排工作，更預告會嚟香港拍戲添呀！
Will柯煒林同女神林明禎齊齊行紅地氈，當然開心仔啦，當明禎跣一跣時，仲好gentlement咁「隔空扶」，其後當傳媒起哄二人拍咀戲時，Will 即嘟嘴扮錫，明晒啦！而明禎就話病足一個月，搞到上圍縮水，我見猶憐呀！
#第十七屆亞洲電影大獎 #范冰冰 #陳靜 #梁朝偉 #劉嘉玲 #張藝謀 #李英愛 #鈴木亮平 #趙麗穎 #許瑋甯 #WinMetawin #蔡卓妍 #黃梓樂 #是枝裕和 #陳欣妍 #林明禎 #袁澧林 #柯煒林 #吳家忻 #梁洛施 #陳湛文 #關錦鵬 #李駿碩 #吳慷仁 #kayan9896 #柯煒林 #許瑋甯 #陳靜 #劉冠廷 #Viu1娛樂新聞 #Viu #Viu煲劇平台 #足本訪問 #現場實況
記得Subscribe Viu1HK嘅KZread Channel，Follow埋IG同Facebook page呀
_____
►訂閱 Viu1HK KZread Channel: bit.ly/3lYFNLW
►追蹤 Viu1HK Instagram: / viu1hk
►讚好 Viu1HK Facebook page: / viu1hk
►觀看更多精彩內容：www.viu.com