Bakı bulvarının ayrı-ayrı hissələrində Xəzər dənizinin quruması müşahidə olunur.
Su çəkilən hissələrdə hətta çirklənmiş torpaq da açıq-aşkar görülməkdədir.
Xəzər dənizinin su səviyyəsinin aşağı düşməsi barədə artıq bir müddətdir danışılır. Bəs bu prosesinin qarşısını almaq üçün tədbirlər görülürmü? Bunun səbəbi nədir? Bu proses nə kimi nəticələr verə bilər?
Rəsmi məlumata görə, son 500 ildə Xəzər dənizinin ən aşağı səviyyəsi 1977-ci ildə mənfi 29 metr səviyyəsində qeydə alınıb. Xəzərin səviyyəsi 1978-ci ildən başlayaraq ildə orta hesabla 15 sm/il sürətlə artıb, lakin 2006-cı ildən etibarən Xəzərin səviyyəsində müntəzəm enmə müşahidə olunur, 2020-ci ildə dənizin orta illik səviyyəsi 27,90 m qeydə alınmışdır.
Ekologiya və Təbii Sərvətlər Nazirliyindən Turana bildirilib ki, Xəzər dənizinin səviyyəsi 2021-ci ildə 35 santimetr aşağı düşüb.
Nazirlikdən qeyd olunub ki, Xəzər dənizinin səviyyəsinin gələcəkdə müxtəlif dərəcələrdə düşməsi proqnozlaşdırılır.
Qurumdan bildirilib ki, son 25 ildə qlobal iqlim dəyişmələrinin təsiri nəticəsində dənizdə suyun səviyyəsi yenidən aşağı düşərək mənfi 28 metr olub.
Nazirlikdən vurğulanıb ki, gələn ilin mart ayında qurumun təşəbbüsü ilə konfrans keçiriləcək və alman mütəxəssisləri iştirakı ilə bağlı bu istiqamətdə elmi bazanın yaradılması məsələsinə diqqət yetiriləcək.
Ekoloq Rövşən Abbasov isə bildirir ki, Xəzər dənizinin səviyyəsinin düşməsi bir neçə faktorlardan asılıdır.
Mütəxəssis deyir ki, bu çox ciddi problemdir.
Ekspertin sözlərinə görə, Xəzər dənizinin çox böyük əraziləri quruya bilər.
#maddə39
Bizi digər sosial şəbəkələrdə izləyin.
/ tribunanews
/ portagalmedia
/ nurlan.jurnalist
Çəkin göndərin yayımlayaq - Whatsapp: +994 55 785 20 93 (Nurlan Libre)