#besartataci #mirakazhani #emdr #janari #gjenetika
Videopodcast me Psikoterapisten Besarta Taçi
Podcast-in e fundit për këtë vit ia kushtova njeriut, njeriut si qenie vulnerabël, të brishtë, të uritur për festë, e po aq të pasigurt para jetës, e cila nuk është kartolinë ngahera, por s'ka përse të jetë edhe aq serioze e me drama gjithnjë. Ne njerëzit kemi brenda një kod gjenetik, të cilit nuk ia dimë fuqinë dhe aftësinë vetëshëruese.
Asnjëri prej nesh nuk vjen aq rastësisht. Ka një arsye me siguri që mes miliona spermatozoidësh vetëm një takohet me vezën dhe ai/ajo je ti.
Zëri përmbyllës për këtë vit është i një gruaje. Psikoterapiste! Besarta Taçi.
Më vjen mirë që njerëz si ajo, që janë rritur në emigrim, janë shkolluar, janë dashuruar, martuar, janë mërzitur, lodhur, lënduar, gëzuar në një vend që s'ka qenë atdheu i tyre, siç ajo 20 vite në Itali, vendosin të kthehen. Ajo erdhi vetëm për një trajnim dhe ndjeu thirrjen e brendshme për të qëndruar në Shqipëri. Është e vetmja trajnere e liçensuar në Ballkan për EMDR. Terapia e cilësuar nga OBSH si më efikasja për traumat. Është një shkollë e re e trajtimit të dhimbjes e traumës, që jo çdokush mund ta zotërojë. Në Itali me 64 milionë ka vetëm tre të tillë. Do të ishin 4, por e katërta është në Shqipëri, Besarta.
Gjatë bisedës me të, ma do mendja do të merrni qetësinë e duhur për të parë veten si të parë, si të rëndësishme, si të vetmen dhuratë. Ti je gjëja më e rëndësishme në këtë botë, prandaj me rastin e festave, festa fillimisht je ti!
Mund të jesh vetëm apo me dikë, me një familje të madhe, apo një familje të ndarë, i sëmurë, apo atlet, i shpërblyer, i pafat ( për këtë vit), por çdo gjë e ka një çelës, si dyert!
Dhe po, e pyeta trajneren e shërimit edhe për Janarin. Të gjitha i keni në podcast.
Për më shumë vizitoni: www.tiranapost.al/
Subscribe në "Mira Kazhani" në KZread Channel: kzread.info/dron/mI_.html...
Na ndiqni në Facebook: / tiranapost.al
Na ndiqni në Instagram: / post.tirana
Na ndiqni në Spotify: open.spotify.com/show/57q7lSF...
Na ndiqni në Tiktok: / zememirenpodcast