వేఁటకాఁడనంటా - అన్నమయ్య సంకీర్తన (Vetakaada Nantaa - Annamayya Sankeerthana)
Singers - Pavani garu & Tejeswini garu; Composer - Malladi Suribabu garu
(Courtesy - TTD & Sri Venkateswara Recording Project)
Lyrics -
వేఁటకాఁడనంటా నా వెంటఁ బాయవు వోరి
చీటకపు చెంచేత నాచేతిలాగెరఁగవా
పొదలో నేనేసిన పులి నీవేసితివని
పెదపెద్ద యెలుగుఁల బెదరించేవు
కుదురుగుబ్బల నిన్నుఁ గుమ్ముదునో వుండేవో మేను
చిదియఁగా మేటిచెంచేత నన్నెఱఁగవా
చేరువ నామోఁటునఁ జేరిన నామెకముల
నేరుపరినంటా నీవునేసేవు
జీరలుగా కొమ్ము గోరఁ జింతునో వూరకుండేవో
పేరుకల చెంచేత నాబిరుదులెరఁగవా
చొల్లెపు చుట్టలతోడ చూపులకు నడ్డాలు
చెల్లునంటా వచ్చి చెట్టవట్టేవు
వొల్లననఁగా గూడేవు వుద్దండపు వేంకటేశ
జల్లివింటి చెంచేత నాచలములెరఁగవా