Raqamli texnologiyalar vazirligi tomonidan jismoniy va yuridik shaxslarning murojaatlari bilan ishlash tizimini takomillashtirish, ommaviy sayyor qabullar о‘tkazib, fuqarolar bilan ochiq muloqotni kengaytirish, ularning muammolarini hal etishga qaratilgan qator ishlar amalga oshirilmoqda.
Joriy yilning 28-fevral kuni Raqamli texnologiyalar vaziri Sherzod Shermatov boshchiligida Xorazm viloyati Xonqa tumanida jismoniy va yuridik shaxslar uchun sayyor qabul о‘tkazildi.
Unda 100 nafardan ortiq jismoniy shaxslar va yuridik shaxslarning vakillari ishtirok etib, tadbir davomida IT ta’lim, IT rezidentlar faoliyatini rivojlantirish va qо‘llab-quvvatlash, telekommunikatsiya xizmatlariga ulanish masalalarida murojaatlar hamda AKT texnologiyalari xizmatlari sifatini oshirish bо‘yicha takliflar bildirildi.
О‘tkazilgan qabulda fuqarolarning bir necha yillardan buyon о‘zining yechimini topmayotgan muammolari joyida ijobiy hal etildi.
Shuningdek, Vazir tomonidan AKT sohasida aholi, yoshlar hamda IT sohasi vakillari uchun yaratilgan sharoitlar va imkoniyatlar tо‘g‘risida tadbir ishtirokchilariga batafsil ma’lumotlar berildi.
Fuqarolarga qulaylik yaratish maqsadida sayyor qabul о‘tkazilayotgan maskanda mobil aloqa operatorlari tomonidan kо‘chma savdo nuqtalari tashkil qilinib, telekommunikatsiya xizmatlariga joyida ulanish imkoniyatlari yaratildi.