VanT : Fly High Angel
Rosung dawt mi fahniang thlaan lung cung ah sunghno nu nih ttah hlah lawh
Ka fa , na ba tuk ma, Khoi kaa zawn te dah a fak bik hnga
nunnak varal khat lei ah kei lo in na thla tla ma
Tting tang tum in zaihla paradise ah nan sa ve ma
Rawl ei nak in hlasak le Bawlung chuih
Huam deuh mi fa hniang, rau thla in ka kiang, ah caan dongh tiang, hun ka um pi hraam,
Maw Ka fa ram daw,
A thaw lo mi zen haw sin ah a uai mi paar dawh,
Hring le nak khuavang nih maw na par an ttawh,
Leiram nunnak cauk in na min an hnawh
Kawh lo in ra mi fa ruah thawh nih
Na thlawh lio mi lopil hrawh cu ka thin
Nunu chuan rawl bar ta rih ko voikhat ten inn rak ttin
#VanT_Raprich