Marleen
Tekst en muziek geschreven door Klaas Beikes.
Ik zag die weer op Schoolbank.nl,
mien eerste laifde van joaren leden.
En was benijd, kist mie nog wel?
En hou zol't nou mit die weden?
Moud schraabde ik bie mekoar,
stuurde die toch gaauw ain bericht.
Hé Marleen, hou is 't doar?
Alles goud met die mien wicht?
Hé hé Marleen, bin weer terug in joaren tachtig.
Hé hé Marleen, man wat vuilde ik mie machtig.
Ik roek dien parfum, ik vuil nog dien zachte hoed,
zug dien blonde hoar in de zunnegloed.
Hé hé Marleen.
Eem loater kreeg ik bericht weerom,
Verboast las ik wat doe schreefst.
Ik wait het klinkt meschain wat stom,
leuvst vast nait as dit berichtje leest.
Wait nait veul meer van dizze tied,
veul herinneringen binnen blokkeerd,
veul van mien jeugd bin ik kwiet,
wol dat ik wat wos, is mie heul wat weerd.
Hé hé Marleen, bin weer terug in joaren tachtig.
Hé hé Marleen, man wat vuilde ik mie machtig.
Ik roek dien parfum, ik vuil nog dien zachte hoed,
zug dien blonde hoar in de zunnegloed.
Hé hé Marleen.
Want nou aal dai joaren loater,
heb ik die mitnomen noar dai tied.
Nou zitst nait meer mit een koater,
en de herinnering moakt die blied.
Hé hé Marleen, bin weer terug in joaren tachtig.
Hé hé Marleen, man wat vuilde ik mie machtig.
Ik roek dien parfum, ik vuil nog dien zachte hoed,
zug dien blonde hoar in de zunnegloed.
Hé hé Marleen.
Tekst en muziek (c) 2016, Klaas Beikes
vantknoal