Ma’lumki, joriy yil 51 ta oliy ta’lim muassasasida alohida iqtidor talab etiladigan 198 ta ta’lim yo‘nalishi bo‘yicha kasbiy (ijodiy) imtihonlar o‘tkazilishi belgilangan. Ushbu jarayonlar Urganch davlat universitetida 25-iyul sanasidan boshlandi.
2023-2024 oʻquv yilida 14 ta taʼlim yoʻnalishlari boʻyicha 970 nafar abituriyent kasbiy (ijodiy) imtihonlarda ishtirok etishi belgilangan.
Ochiqlik va shaffoflikni ta’minlash, abituriyent va ularning ota-onalariga qo‘shimcha qulaylik yaratish maqsadida jarayonlar universitetning camera.urdu.uz/ platformasi orqali jonli efirga uzatilmoqda.
Imtihonlar davrida turli korrupsion holatlarni oldini olish maqsadida abituriyentlarning ota-onalari va yaqinlari bilan “Korrupsiyasiz ijodiy imtihon” mavzusida targ‘ibot tadbirlari, psixologlari tomonidan ota-onalarining fikr-mulohazalari, takliflarini o‘rganish maqsadida so‘rovnomalar o‘tkazilmoqda.
Ijodiy imtihonlar 3-avgustgacha davom etadi.