2024 jıl 8 aprel kúni 21131-sanlı Arqa Batıs Áskeriy okrugi kitapxanasında Ullı sarkarda Amir Temur tuwılǵanınıń 688 jıllıǵına baǵıshlanıp «Ullı mámleket tiykarshısı» atamasında keshe bolıp ótti.
Keshege Áskeriy bólim komandiriniń ruwxıy -aǵartıwshılıq isleri boyınsha máslahatchisi, áskeriy bólim ruwxıylıq orayı baslıǵı Gulzada Mamatova, Nókis innovaciya institutı Innovacion texnologiyalar hám biznes fakultetiniń aǵa oqıtıwshısı Aybek Urazımbetov, Ajiniyaz atındaǵı Nókis mámleketlik pedagogika institutı fizika-matematika fakulteti tyuteri Minayxan Aytmuratova hám student jaslar qatnastı.
Keshe dawamında G.Mamatova Amir Temur tariyxıy waqıyaları, temuriylar dáwiri haqqında, sahibqıran babamız tekǵana biziń emes, al jáhán tariyxınıń eń ullı, eń jarqın tulqalardıń biri ekenligin jaslarımızǵa aytıp ótti hám B.Uteniyazova Amir Temur- ullı insan, arqası jerge tiymegen ullı tulģa ekenligin, ullı mámleketlik ǵayratker, talantlı skluptor, óz elin súygen hám onı álemge tanıtqan insan enkenligi haqqında aytıp ótti.