ЮФС-де 57 келінің чемпионы мекискалық Брендон Морено. Ол соңғы жекпе-жегінде Дейвесон Фигередоны тізе бүктірді. Осы екі файтер арасындағы бәсеке бірнеше рет өткен. Ал, бразилиялық спортшы Фигередо чемпионнан кейінгі екінші орынға жайғасқан. Джиу-джитсу шебері бұрын осы салмақтың үздігі болғанын да айта кетейін. Физикалық тұрғыда өте мықты. Тізесі мен шынтағының соққыларымен кез-келген қарсыласты есеңгірете алады. Аса жеңіл салмақта жарқын жеңістерімен жанкүйерлерін қуантып жүрген Мухаммад Мокаевты да ерекше атауға болады. Ұлыбританияда туған оның ұлты құмық. Мокаев үздік лигада төрт жекпе-жек өткізіп, әлі жеңілмеген. Сосын ТОП-15-ке кіретін Тагир Уланбековты да тілге тиек еткен жөн. Абдулманап Нурмагомедовтың шәкіртініңт еншісінде үш жеңіс, бір жеңілісі бар. Бразилиялық тарлан Александр Пантожаның да жетістігі жаман емес. Ол рейтингте үшінші орынға жайғасқан. Жапеониялық Татсуро Таиро да қауіпті қарсыластардың бірі. Қазақтың батырлары бұйыртса жазда сегізбұрышқа көтерілуі мүмкін.