1. Өзіңе армандауға тыйым салма:
Ол ортақ бола алмайды бар адамға.
Арман мінсіз болуға міндетті емес -
Бірде жарқын елестеп, бірде ақ-қара.
2. Бойыңдағы талантқа шектеу қойма,
Кейде қисық, кейде сәтсіз шықса-дағы.
Ешкім сендей қайталап, істей алмас:
Сенікі - ең бірегей, оригиналы.
3. Өз гүліңді бақшаңдағы жұлып алма,
Тікенегі бойында көп болса да -
Сен табиғи қалпыңда әдемісің,
Өзіңді көрсетуден еш ұялма!
4. Жұрт ақылын сұрама ұшу үшін,
“Құс емессің” деп есіңе сала берсін.
Құлап түсіп, орнынан тұра алмайтын
Адамдардың қатарынан сен емессің.
5. Ұнататын дүниеңе тыйым салма:
Ләззат алу, күлуге, жарқырауға.
Сен - адамсың, ерік бер сезімдерге:
Әлсіз боп, ашуланып, жылауға да.
6. Және ұялма өзгелерді ұтудан:
Ерекшелік сенде болған бұрыннан.
Дарыныңды біліміңмен ұштастыр,
Бастағанды әрі қарай жалғастыр.
7. Тыйым салма армандауға өзіңе,
Көне берме өзгелердің сөзіне.
Жеңіл болар кейде жүрген жоспарсыз,
Бірақ қиын өмір сүрген армансыз.