#НартайАралбайұлы #NartayNews #НартайНьюс #nartaynews #Еңбекадамы
🔹Спикер: Архат ТОҚТАРХАНОВ - ГИД.
Тірліктің тынысы тоқсан тарау, сексен сала. Соның бәрі де мемлекеттің шаңырағын көтеріп тұрған уықтай. Әрқайсысы маңызды. Дегенмен, соңғы 10 жылда Қазақстан үкіметі үнемі айтып, талқылап отыратын, шама-шарқынша дамытқысы келетін бір жас сала бар. Ол - туризм. Тіпті, сол үшін тұтас министрлік құрып, спортпен қос өрімдей қатар ұстап отырмыз. Алайда, өкінішке қарай, елдегі туризм әлі де тұралап тұр. Мысалға, әлемде табиғи байлыққа байланбай-ақ, байып, дамып отырған елдер көп. Негізі табыстың тетігі - туризм. Франциядағы Нотр-Дам мен Луврді және Эйфель мұнарасын естігін боларсыз. Бәлкім, көзбен көргеніңіз де бар шығар. Сол адамның қолымен жасалған нысандарды көру үшін жылына 90 миллион шетелдік Францияға барады екен. Құдай-ау, бізде адамның емес, Алланың жасап берген кереметтері көп емес пе? Әлемдегі жер көлемі бойынша 9-ыншы орында тұрған елдің тау-тасында сұлулық пен сиқыр, керемет пен керімдік те бар. Бірақ, ең өкініштісі біз соны әлі де танытып, көрсете алмай келеміз. Әйтпесе, бір ғана Алматы облысындағы Көлсай мен Қайыңдының табиғаты Швецариядан кем түспесі анық. Ал, талай киноға локация болған жер Американың Аризона штатындағы шатқалды әлем біледі. Ондай құбылыс жаһанда жалғыз жерде бар есептейді көпшілік. Дегенмен, тап сондай шатқал бізде де бар. Үш жарым шақырымға созылып жатқан Шарынды айтып тұрмын. Әлемде мұндай шатқал екі-ақ жерде бар. Хош, айта берсек, қазақ даласында сұлулықтың символы болар жер көп. Оны жаһанға паш ету үшін туризм саласына түбегейлі өзгерістер керек. Тұтас жүйеден бастап, гидке дейін сапалы қызмет көрсетуі қажет. Гид демекші, бүгінгі кейіпкер туристерге Қазақ жерін таныстырып жүрген Архат деген азамат.
Осыдн 4-5 жыл бұрын Көлсай көлдері ұлттық паркінде инфрақұрылым осал, сервис нашар болатын. Мен өзім жетекшілік еткен «мәселе» бағдарламасының түсірілім тобы сол жерге барып, репортаж әзірлеген еді. Сол кезде Қайыңды деген жұмақты көру үшін, тозақтан өту керек деп жазып едік. Себебі, айналдырған 17 шақырымды өтемін деп, көлігімен бірге құздан аударылған туристер болды. Ал, былтыр «қайыңды-саты» жолында аытобус аударылып, 34 адам зардап шегіп, өкінішке қарай бір адам апат болған жерде көз жұмған еді. Көлсай көлдері ұлттық паркінде қазіргі жағдай біртіндеп реттеліп келеді. Қауіпсіздік те, инфрақұрылым да қарыштап демесек те, қарыстап болса да жақсарып жатыр.
Жалпы, туризм саласы табиғи байлыққа аса тәуілді емес. Ең қажеті де, құндысы да - идея. Мысалға, біріккен араб әмірліктері қазір мұнайдан қарағанда туризм мен инвестициядан көп табыс табады. Тақыр жерден әлемдегі ең зәулім шаһар тұрғызып, дүниежүзіндегі бай-бағландарға, ірі компанияларға кәсіп жүргізуге арналған алаң құрды. Абу-Даби, Дубай жаһанның жауһарына айналды. Бізде де мүмкіндік көп және әлі де кеш емес. Ең бастысы «қонақ қойдан жуас, май берсең де жей береді» дейтін заман емес, соны түсіну керек. Қазіргі әр қонақ - тұтас елдің имиджіне, беделіне әсер етеді. Сондықтан, бүгінгі кейіпкеріміз Архат сияқты қонақтың алтынынан бұрын алғысын алуға тырыссақ игі.
“Еңбек адамы" елеусіз қалмасын! Биыл біз тұтас фильмдер сериясын жасауға бел будық. Басты қолдаушымыз AMANAT партиясы. Кейіпкерлеріміз қарапайым қызметкерлер, бірақ үлкен жүректі, еңбекқор, өмірге құштар адал адамдар. Бұған дейін экрандардан тек өнерпаздар мен шенеуніктерді көретін едік. Бұл дұрыс болмады, олқылықтың орнын толтыру керек. Біз соны мойнымызға алдық. Бұйыртса 40 фильм жарыққа шығады. Көріңіздер!
Интаграм: nartay_aralbayu...
Фейсбук: / nartai.sarsengaliyev