True Story ll The Children Eaten By The Devil ll Konyak Naga at Changlang @yangkhaonagakonyak9949
YAA (KAHSHIH DEVIL) PHOPU
CHANGLANG me YIMLUHU she minpu Paan ja ngoh. Tuopa paan me nyih jei she Nahalan nyoi ngoh. Huwante nyih ja pu hipak me YAA (Kahshih-Devil) ngaie Paan me nyoie ngohpu Nahalan üshei Imane hah kumyange Naha lan jingne touhpu Nuk heeidam shaha toiloi angyange tow.
Ünepupa nyih Yimluhu Paan mepu Naomei pa ja, PULANGKHAMTOK, she minpu I paan me tenyih a aohi peilak eih she ow tumyange lipu ne she shie tane ngoh. Huwante nyihning wungwukpu hipak ja me YAA (Kahshih-Devil) lan peingoi. Iman Yaa hei Yaa pa me hukie teih ngao Tenyih a tummane hatuo Naomeipa a hangki i-e pho oklak shi? she kenja teih ngaoyange YAA (Kahshih-Devil) lane Naomeipa, PULANGKHAMTOK noe paie yah taie Iman Yaa ngohpu Longsha (Caved) te ngoie yah tai. Aope Longsha Taten ngoiyahpeih, Naomeipa Longsha (Caved) te yah tei ne she iwante shang yekhao üwang ne teihah she teiwante yakhonge lan. Yetei ok. ya yekhao tei hah she tei, Naomeipa e ya ka, tuo me o yetei ok Huwante Naomeipa potangpu me ihpok ngai, tuo me I angtouhyange Yaa lan (Yupu shukpu shoyan) she ngaoyange Iman ngohpu Longsha te taie lomah.
Huwante Naomeipa e YAA (Devil) ngohpu Longsha (Caved) Yakphang nyoi me ngitouhyange ching te onge ngoi. Huyange Iman Paan hei Hampa Naomei lan taisheangyange Chingyo yoppe lan te ngaolan hukie yan, nyih nyit shepupa me YAA sha te Ah yu kuning (Site fire) she chingphi te Ngu (Spear) ja ponge ngaolan jamshe phie tam. Nyih nyit shepupa nyih Eshohiya Wumnyu nok penyange Ah yu (Site fire) tuo mepu ah shi (Smoke) ajphom kahtok Yingnyu kahjee me ngaiengi. Huwante Yimluhu mepu Naomei lan a) PULANGKHAMTOK, b) ANGSHIHTANSHEN. Iman phete tawante YAa (Devil) lan ataikum tei e Iman yu mepu Ükumpa (YAA-JU) hei Imane
yao. Imane Yaa ju a pho yahyange ching te ngoi. Huyange Imane YAA-Ju (Devil) te hukie tong, Nange hanghi yin hah hampu shi? I e jan tuman Üpa üjei lane peipu yak hen hei shangmin (Nail/hair) hei hah ham ki. she jan. Huyange Imane YAA te huma a leihu hah she shi te wet e leiwante Yaa shi mong me Yak hen hei shangmin shaha ngoh. Tuopa Mako te YAA e I nying nying te iy pho phoe meie tamyangki.
Huwante Yimluhu kahta lane YAA (Devil) te tuman te moiheiman yahkei she tong. Yaa e huma a peyak yahkei she nyinge tam, Imane e peyak lili yahe pei. tuo yeji ülao yahkei she nying wante Ükum ne Phanglick, yak yah pei tuo kaiye Tah kek ling ngai. Detyak Yingphuk, phei shi linge ngai tamyangki. Tuowante Yaa e phapu üli jaae Tah shi hahnang ku jashe iyangki. Tuo shao me a nuk ne a Peangho (PENGO) lick hei hah ngohyangki she inang. Tuo jingne kahtoknyu me seanyuo yingle (Fimine) ngaiyahpoi. Changlang me a Tah hei shi ujingha pa a jitow lak üja she inang.
Huyange tuophei me Imane yaa (Devil) a toi huyange Yimluhu Paan nyoi me muh mu tamyangki. Tuopa YAA mupu mangjong nyoi me shua wan NYUJONGNYANG wiyange ngohnang. Hatuo Pungao me lepe changlang te Title: YAAKUP KHECHER she nyiknang.
Thanks for watching n don't forget to like subscribe and share