Санаи 17-уми январ муаррифии портал ва замимаи мобилии TOUR.tj баргузор гардид.
Ҳадаф аз ташкил намудани ин портал ташкили роҳнамое барои сайёҳони хориҷӣ ва дохилӣ гуфта мешавад. Мақсади ин портал ҷамъоварии пакети маълумотҳо аз ҷониби ширкатҳои сайёҳии кишвар дар як портал мебошад. Ин платформа инчунин барои рушди ширкатҳои хусусӣ дар бахши сайёҳӣ, чи хурд ва чӣ бузург муфид хоҳад буд.
«Туроператорҳо метавонанд турҳои худро тавассути портал ба фурӯш гузоранд ва онро ба осонӣ, қариб бо як клик фурӯшанд. Истифодабарандагон метавонанд дархости сафарро дар шакли қулай дар вебсайт пешниҳод кунанд ва туроператор онҳоро дар шакли форматшуда ба таври худкор қабул мекунад. Ба ӯ танҳо як сафар кардан лозим аст," мегӯяд яке аз таҳиягарони платформа, Александр Тихонов, шарик ва директори артиши интегратори рақамии 5 UGLOV (Русия).
Дар платформа сайёҳ метавонад на танҳо бо салоҳдиди худ аз ширкатҳои сайёҳии боваринок сайёҳон интихоб кунад, балки ҳангоми ба нақша гирифтани сафари худ ба Тоҷикистон чиптаҳои ҳавопаймо харад, суғурта ташкил кунад ва дастгирии техникӣ гирад.
Замимаи мобилии TOUR.tj аслан иловаи платформа аст, аммо дар баробари ин барои сайёҳон ва соҳибкорон дигар имкониятҳои навро боз мекунад.
Ба гуфтаи Сергей Клевцевич, молик ва директори ширкати IT-и MARSERO (Беларусь), ки дар таҳияи TOUR.tj машғул аст, замимаи мобилӣ харитаҳои интерактивии Ҷумҳурии Тоҷикистон буда, метавонанд ҳам онлайн ва ҳам дар офлайн кор кунанд.
"Дар барнома ҳуши маснуъӣ истифода мешавад, ки бо ёрии он хатсайрҳои беназири пиёдагардон ва автомобилӣ, ки қаблан дар дигар харитаҳои мобилӣ ишора нашуда буданд ба харитаҳо илова карда мешаванд", - мегӯяд Сергей Клевцевич.
Замимаи мобилӣ инчунин барои тиҷорати ватанӣ, новобаста аз соҳаи фаъолият, аз тарабхонаҳо то нуқтаҳои фурӯши сӯзишворӣ муфид хоҳад буд.
Ҳар як соҳибкоре, ки бо TOUR.tj шартномаи шарикӣ бастааст, метавонад ба харитаҳо маълумот дар бораи макони тиҷорати худ, тавсиф ва аксҳои муассисаҳояшро, ки даромади асосии онҳоро ба даст меоранд, илова намояд.
Идибек Воҳидов мегӯяд идеяи ташкили чунин платформа замоне, ки вай ба Чин сафар карда буд омад. Ба гуфтаи Идибек вақте фаҳмид, ки Чиниҳо дар мавриди Тоҷикистон маълумоте надоранд, ӯ ба ҳайрат афтод. Вай мегӯяд ҳатто дар ҳамсоя кишвар Ӯзбекистон дар марвиди Тоҷикистон наонқадар маълумоти кофӣ доранд ва ин ҳама Идебекро водор сохт то платформаи мазкурро ташкил созад.
«Замини мобилӣ ва портали агрегатори TOUR.tj рушди сайёҳӣ дар Ҷумҳурии Тоҷикистонро суръат мебахшад. Ин ба баланд шудани обрӯи кишвар дар назди сайёҳони саросари ҷаҳон мусоидат мекунад. Ҳар як корбари замима ё вебсайти мобилӣ имкон дорад, ки амалан бо як клик аз Тоҷикистон дидан кунад. Ва тоҷирони маҳаллӣ имкони ҷалби муштариёни бештарро пайдо мекунанд”, - мегӯяд Идибек Воҳидов, муассиси TOUR.tj.
Барои Тоҷикистон роҳандозии сомонаи TOUR.tj як қадами нав дар рушди сайёҳии дохилӣ мебошад.