Xabaringiz bor, 2025-yil Toshkent shahri IV yoshlar Osiyo oʻyinlariga mezbonlik qiladi. Ushbu musobaqa dasturiga kiritilishi kutilayotgan aksariyat sport turlaridan 2008-2009-yillarda tugʻilgan yoshlar gʻoliblik uchun bahs olib borishadi.
Respublika Olimpiya zaxiralari kollejida hozirdan ushbu musobaqalarga puxta hozirlik koʻrish maqsadida seleksiya ishlariga jiddiy eʼtibor qaratilmoqda. Shu maqsadda bugun ushbu sport-taʼlim maskanida yunon-rum kurashi boʻyicha 2008-2009-yillarda tugʻilgan oʻsmirlar oʻrtasida ROZK Ochiq chempionati oʻtkazildi.
Musobaqada respublikamizning 12ta hududidan (faqat Qoraqalpogʻiston Respublikasi va Xorazm viloyati vakillari kelishmadi) jami 520 nafar iqtidorli yoshlar gʻoliblik uchun oʻzaro bellashishdi. Maqsad - ushbu yosh toifasida eng iqtidorli va kuchli yoshlarni saralab olish, ularni ROZKga oʻqishga qabul qilish hamda Toshkent-2025 IV yoshlar Osiyo oʻyinlariga har tomonlama puxta tayyorgarlik koʻrishdan iborat.
Bu kabi seleksiya ishlari boshqa sport turlarida ham amalga oshirilishi belgilangan.
Kanalga OBUNA bo'lish 👉 bit.ly/30pICdW
#sport #star #follow