Хурдан морины зүтгэлтнүүд, хусуур сойзны андууд морьтон Монгол түмнийхээ энэ өдрийн амгаланг айлтган мэндчилье ээ. Та бүхний уясан хүлгүүд хурдан сайхан, унасан хүүхдүүд цовоо сэргэлэн бизээ.
Монгол туургатны эв нэгдэл, тусгаар тогтнол, бүрэн эрхэт байдлын баталгаа болсон Үндэсний их баяр цэнгэл наадмыг угтан "ТОД МАГНАЙ" ПОДКАСТ-ынхаа 12 дахь удаагийн зочноор 20-р зууны Манлай уяач, Хөдөлмөрийн баатар, Гавьяат малчин, Тод манлай уяач, гурван үеэрээ төрийн наадамд морь түрүүлгэсэн Данзаннямын Даваахүүг урьж хөөрөлдлөө.