Енді тендерден табыс табу қиындайды. Мәжіліс жаңа заң жобасын екінші оқылымда мақұлдады. Құжатта тауар жеткізуші немесе қызмет көрсетушінің жауапкершілігі күшейтіліп, жемқорлық жолы кесілген. Мемлекеттік сатып алу процесі барынша автоматтандырылған.
Тендермен айналысамын деп алшаң басып жүретіндер азаяды. Өйткені бұрынғыдай тапсырысты таныс арқылы алу мүмкін болмайды. Конкурсқа қатысатын компаниялар балдық жүйемен бағаланбақ. Жеңімпаздарды комиссия емес, ақпараттық портал автоматты түрде анықтайды.
МҰҚАШ ЕСКЕНДІРОВ - ҚР ПАРЛАМЕНТІ МӘЖІЛІСІНІҢ ДЕПУТАТЫ //Бір топ депутаттар барып соның бәрін зерттедік. Зерттеген кезде бүгінгі осы айтқанда ол жерде мына информационный система дейміз сол жерге барлық қатысатын кәсіпорындардың базасы құрылады. Солар жаңағы әр тендерге қатысқанда сол жайлы мәліметтерді алып отырады. Сол жерде адамның қатысы болмайды.
Қызмет көрсетуші немесе тауар жеткізуші компанияның жауапкершілігі айтарлықтай артады. Оның қызметі тапсырыс берушінің көңілінен шықпаса рейтингі төмендейді. Яғни, келесі конкурста ұту мүмкіндігі азаяды. Тіпті, мемлекеттік сатып алуларға қатысу мүмкіндігінен айыруға да болады. Әр компанияның жұмыс сапасын ел болып бақылауға алуға да болады.
ДӘУРЕН КЕҢБЕЙІЛ - ҚР ҚАРЖЫ МИНИСТРІНІҢ ОРЫНБАСАРЫ
//Біз осы заң бойынша қоғамдық мониторинг институтын енгізіп отырмыз. Ол біріншіден жақында қабылданған қоғамдық бақылау қызметімен үйлестіріледі. Екіншіден біз біздің тапсырыс берушілерге жұмыстың орындалу барысы туралы ақпаратты сайтқа мемлекеттік сатып алу порталына және өздерінің сайттарында жариялау туралы міндеттеме беріп отырмыз.
Міндеттерін орындамаған компанияларға келісімдегі сомманың 15 пайызы айыппұл ретінде салынады. Тағы бір маңызды бағыт - мемлекеттік сатып алудың уақыты қысқарады. Мысалы, қара күзде жол жөндеймін деп қарбаласатындар азаяды деп түсіндірді депутаттар.
ЕРЛАН ҚОШАНОВ ҚР ПАРЛАМЕНТІ МӘЖІЛІСІНІҢ ТӨРАҒАСЫ
//Заңда сатып алынатын тауардың бағасынан бұрын оның сапасына басымдық беріліп отыр. Бұл өте маңызды мәселе. Рәсімдердің мерзімдері едәуір қысқартылатын болады. Және жергілікті тауар өндірушіге артықшылық берілетін болады.
Яғни, отандық өндірушілермен офтейк келісімдер жасалады. Яғни тұтынушы тауарды арадағы делдалдан емес өндірушіден тікелей алады. Бұл, бағаның арзандауына сеп болмақ. Мәжіліс құжатты бүгін екінші оқылымда қабылдап, Сенаттың қарауына жіберді.
Сайт - qyzylordatv.kz/ru/live
Facebook - / qyzylordatv
Instagram - / qyzylordatv
Telegram - t.me/qyzylords_tv
Tiktok - / qyzylorda_tv