«Деректі фильм тек қазақтың ғана емес, барлық түркі тілдес халықтарының тәуелсіздігі үшін күрескен қоғам қайраткері, ұлт қаһарманы Темірбек Жүргеновтің өмірі жайлы. Картинада оның балалық шағы мен жастығы, отбасы, оқу жылдары мен қоғамдық қызметі туралы баяндалады», - дейді режиссер Еркін Рақышев. Сонымен қатар, фильмде Т.Жүргеновтің жұбайы Дәмеш Ермекованың естеліктері, ҚР Ұлттық қауіпсіздік комитеті ұсынған сирек кездесетін мұрағаттық құжаттар мен фотоматериалдар келтірілген. «Біз қазір кең-байтақ, дамыған елде өмір сүріп жатырмыз. Мұның барлығы Тәуелсіздікті алуға үлкен үлес қосқан Мағжан Жұмабаев, Жүсіпбек Аймауытов, Темірбек Жүргенов сынды қайраткерлердің арқасы. Олардың есімдері біздің халқымыздың тарихына алтын әріптермен жазылған. Мұндай фильмдерді жастар өз отанының даңқты ұлдарын білуі, ұмытпауы үшін түсіру қажет», - деді қазақстандық киноның аңызы, актер Асанәлі Әшімов. Темірбек Жүргенов (1898 ж.т.) - КСРО-ның көрнекті партия және мемлекет қайраткері. 1937 жылы 2 тамызда тұтқындалып, 1938 жылы 25 ақпанда КСРО Жоғарғы Сотының Әскери алқасымен ең жоғарғы жаза - ату жазасына кесілді. Темірбек Жүргеновтің ескерткіші Алматы қаласындағы Қазақ ұлттық өнер академиясының алдында орнатылған.
_________________________________________________________________________________________________
Instagram - / qazaqfilm.kz
Facebook - / kazakhfilm.kz
TikTok - / kazakhfilm.kz
#казахфильм#кино#kazakhstan