БІЗДІҢ KZread АРНАҒА ТІРКЕЛІҢІЗ: / @informburo31kanal
---------------------------------------------
Еліміздің солтүстігінде тасқыннан зардап шеккен ондаған отбасы жарты айдан бері орманның ішінде тұрып жатыр. Үйлерін су басқан соң далада шатыр тіккен тұрғындар адам төзгісіз жағдайда өмір сүруге мәжбүр. Жұрт эвакуациялық орталыққа не үшін бармайды? Оларға көмек көрсетілді ме? Өңірдегі әріптесім Руслан Жасұланұлы біліп келді.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бишімбаев ісі - • Бишімбаев ісі
Су тасқыны бойынша барлық ақпарат - • Су тасқыны // Төтенше ...
Жұмбақ өлімдер - • Жұмбақ өлім
Бүгінгі шығарылымда:
РУСЛАН ЖАСҰЛАНҰЛЫ, тілші:
- Тұрғындар мына сияқты шатырда 14 күннен бері тұрып жатыр. Содан бері мына жерге от жағып, шай қайнатады. Күнделікті тамағын әзірлейді. Сөйтіп, мына жерге дастархан жайып, ашық аспан астында ас ішеді.
Бұл Большая малышка ауылының тұрғындары. Оннан астам отбасы эвакуациялық пунктіге бармай, жайылған малын осы жерден бақылап жүр. Жұрт далада өмір сүру оңай емес дейді. Әсіресе, түнде күн суытқан уақытта 5-6 көрпе оранып жатады. Ал жан-жаққа жайылған мына киім-кешек пен төсек орынды кеше кептіруге қойған. Себебі, екі күн бұрын жаңбыр жауып, шатырдан су сорғалаған екен.
НАТАЛЬЯ ЧЕРНИКОВА, Большая малышка ауылының тұрғыны:
- Тамағымыз таусалған сайын макарон мен картоп алып келеді. Соны азық қыламыз. Дәмдеуіштер мен көкөніс қоспаймыз. Не әлі күнге дейін бір реттік көмек алмадық. Бір тиын ақшамыз жоқ.
Төрт түлікпен жан бағып отырған тұрғындар тасқын санаулы сағатта жарты метрге көтеріліп, ауыл болып сайдан қырға қашқандарын айтады. Сондықтан қорадағы малды да толығымен алып шығып үлгермеген. Кейбірінің қой-ешкісі, жылқы мен сиырдың жаңа туған төлдері суға ағып кетіпті.
ЕЛЕНА НЕЩУНОВА, Большая малышка ауылының тұрғыны:
- Екі биені әкетіп үлгердім. Бірақ құлын суда қалды. Үш бұзау мен 7 доңыз да шыға алмай суға кетті. Енді бар малымызды қарап отырмыз. Олардан айырылсақ жағдайымыз қиын болады.
Жергілікті билік тұрғындарға уақытша паналау орталығынан орын берілгенін айтады. Бірақ жұрт көрші ауылдағы мектеп тым алыс, малымыз қараусыз қалады деген екен. Шенеуніктер айнала су болғандықтан жақын жерден орын тауып бере алмайтындарын ашық айтты.
ВЛАДИМИР РУДЕР, Березов ауылдық округінің әкімі:
- Тұрғындар ауылдан алысқа кетпейміз деп осында қалды. Көбі ауылдағы шаруа қожалығында жұмыс істейді. Ал бір реттік төлем мәселесін шешуге көмектесемін. Жақын күндері қолына алады.
Большая Малышка ауылында 321 үйді су басқан. Топан су кезінде балалар ойнайтын алаң мен жаңа асфальт та толық бүлінген. Жалпы, солтүстікте әлі күнге дейін үш мыңға жуық үй тасқын судың ортасында тұр.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық