Монгол улсын үе үеийн тамирчдадаа зориулав
Тамирчны ялалт хямдхан олдоогүй
Үг, ая Д.Жаргалсайхан
1988 оны Сөүлийн Олимпийн хүрэл медальт боксчин
Нэргүйн Энхбатад зориулан
“Чингис хаан” хамтлагийн ахлагч
МУГЖ Д.Жаргалсайхан
“Тамирчны ялалт хямдхан олдоогүй” дуугаа хийж байжээ.
Ачит төрийнхөө далбааг
Алдар нэртэйгээ өргүүлж
Алаг сайхан нүдэндээ
Баярын нулимстай зогссон
Та бидний итгэлийг алдаагүй
Тамирчны ялалт хямдхан олдоогүй
Энгэртээ наран мандуулсан
Эр зоригийн эзэд минь
Олон аавын хөвгүүдийн
Од нь болон гялалзаарай
дахилт
Ялахын хүслээр жигүүрлэсэн
Яруу алдрын шувуухай минь
Чамайг төрүүлсэн ардынхаа
Нандин сэтгэлд мөнхрөөрэй