Қазалы ауданының тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы ӘБСҰЛТАНОВ МҰРАТ БАЙҒАБЫЛҰЛЫ: Соңғы жылдары Қазалы ауданында ауыл арасындағы жолдар мен елді мекенішілік көшелердің жағдайы жақсарып келеді. 2021 жылы бөлінген 3,1 млрд теңгеге аудандық маңызы бар 50 шақырым мен елді мекенішілік 33 көше (Әйтеке би кентінен 12, Қазалы қаласынан 10, ауылдық елді мекендерден 11 көшеге жол құрылыс жұмыстары жүргізілуде. «Қарлаң» көпірінен Қожабақыға дейінгі, Қазалы қаласы мен «Әлсейіт» көпіріне дейінгі жолдар құрылысы да бітеді. Осындай нәтижелі жұмыстардың арқасында жолдардың жақсы және қанағаттанарлық жағдайдағы сапасын 2021 жылдың қорытындысымен 75,6 пайыздан 80,3 пайызға жеткізу жоспарланып отыр.