Тотыдайын,
Бір сөйлемді қайталап отырайын.
Түнек басқан жүректі серпіндірсін,
Түсір күннің сәулесін, о, Құдайым!
Күнсің маған...
Күнім барын менің де білсін ғалам!
Жан азабы біте ме жаназамен?
Нұрын аңсап бір жүрек жүрсін аман!
Шоқы-жарға
Адасыппын, Алланың соты барда...
Тоты байғұс адамға, ал пенделер
еліктесе несі айып тотыларға?
О, Құдайым,
Сағыныштың сөнбесін оты дәйім!
Сүйгенімнің қамашы кеудесіне,
Тотыдайын еш мұңсыз отырайын!
А.Мауданов