Жамбыл облысында үйден бала жоғалды. Дүкенге шыққан анасы қайтып келгенде екі жасар бүлдіршіннен көз жазып қалған. Өздігінен жүре алмайтын сал баланың қолды болғанын сезген ана бірден тәртіп сақшыларына хабар берген.
Жоғалған бала күллі Қаратау қаласын аяғынан тік тұрғызды. Жоқ іздеуге 50 ерікті, 80 полицей жұмылдырылды. Алайда жеркөкті түгел тінтіген топ ұрланған баланы таба алмады. Түн ортасында жоғалған бүлдіршін кейін мешіттен табылды. Азан шақыруға келген мешіт қызметкері іште шырқыраған сәби даусын естіп қалады. Бірден 103-ке хабар берген. Белгілі болғандай баланы апасының досы түн ортасында Алла үйіне апарып тастаған. Өйткені науқас бала анасын іздеп жылап көңілді кешке кедергі келтірген. Оған шамданған мейманның бірі көрпеге орап жақын маңдағы мешітке қалдырып кеткен. Осылайша 12 сағат бойы бүлдіршін ғибадатхана ішінде жалғыз қалған. Қазір адам ұрлау бабы бойынша қылмыстық іс қозғалған. Ал күдікті бұл әрекетін түсіндіре алмай отыр. Ішімдік ішкеннен есімді білмей қалдым деп ақталған. Абырой болғанда бала дін аман.
ЖАЛҒАСБАЙ ДҮЙСЕНБАЙҰЛЫ, Талас ауданының бас имамы:
- Оны осы мешітіміздің азаншысы Абай Омаров деген ағамыз көріп қалады. Азан айтуға келген кезінде. Баланың үсті ашық тұрған. Тезірек курткасын алып жабады. Бірақ мешітіміз қуанышқа орай өте жылы болатын. Медицина мамандары келіп тексергенде денесінде ешқандай жарақаты жоқ, бала аман сау.
Бізді әлеуметтік желіде оқыңыздар:
KZread - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал