БІЗДІҢ KZread АРНАҒА ТІРКЕЛІҢІЗ: / @informburo31kanal
---------------------------------------------
Облыс орталығына үлкен су келе жатыр. Тұрғындарға үндеу жасаған Солтүстік Қазақстан облысының әкімі халықтан қауіпсіз жерге көшуді сұрайды. Себебі, теріскейде тасқынға байланысты ахуал күн сайын ушығып барады. Ернеуінен асқан Есіл өзенінің суы үш ауылға кіріп, жүзге жуық үйді басып қалған. Қызыл су екі күннен кейін Петропавл қаласына келеді деген шенеуніктер баспаналарын тастағысы келмейтін тұрғындарды күштеп көшірмек. Сондықтан жағдайға түсіністікпен қарап, қарсылық білдірмеуге шақырады.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бүгінгі шығарылымда:
Жалғыз баспанасы судың астында қалған тұрғындардың бірі - Любовь Щербинина. Есіл өзені арнасынан асып, оның үйі, қора-қопсысы мен моншасы топан судың ортасында қалған. Николаевка ауылының тұрғыны өзімен бірге тек бағалы заттары мен құжатын алыпты. Ал, төрт түлігін қауіпсіз жерге апарын үлгерген.
ЛЮБОВЬ ЩЕРБИНИНА, Николаевка ауылының тұрғыны:
- Біздің үй екінші болып суға кетті. Қазір ұлымның үйінде тұрып жатырмыз. Тек ең қажет заттарды ғана алдық. Үйдің жартысына дейін су кірді, монша, бәрі суға кетті.
Қазір Николаевка, Покровка, Петровка ауылдарында жүзге жуық үй қызыл судың астында қалған. Арыны қатты өзеннің ағысынан жақын маңдағы Бірлік ауылын жан-жағынан су басып, аралда қалдырды. Ал үйін күзетіп қалған тұрғындарды құтқарушылар елдімекеннен қайықпен құтқарып жатыр.
РУСЛАН ЖАСҰЛАНҰЛЫ, тілші:
- Қаланың қасындағы Заречный ауылында кешелі бері жаппай эвакуация жүріп жатыр. Тұрғындар дүние-мүлкін жинап, қауіпсіз жерге кетуге мәжбүр. Бірақ олардың арасында үйлерін қалдырудан бас тартып жатқандар да бар. Олар баспанамызды қараусыз қалдыруға қорқамыз дейді.
РАМИЛЬ КӨШЕРБАЕВ, Заречный ауылының тұрғыны:
- Үйді тастап кет дейді. Қалайша қараусыз қалдыруға болады?! Ұрылар түсіп, дүние-мүлкімді қиратып кете ме деген қорқыныш бар. Әлі көп зат көшірілмеді.
Қала билігі Заречный ауылынан 200 адамды эвакуациялау керек дейді. Оның жиырма пайызы баспанасын тастап кетуге қарсылық білдірген екен. Ал премьер-министрдің орынбасары Роман Скляр қарсы болған азаматтарды күштеп көшіруден басқа амал жоқ деп отыр.
РОМАН СКЛЯР, ҚР Премьер-министрдің бірінші орынбасары:
- Қала әкіміне, полиция департаментіне ертең эвакуация жұмыстарын аяқтауды тапсырамын. Ешкім қалмасын. Тұрғындарға өмірлеріне қауіп төніп тұрғанын түсіндіру керек. Қарсы болса күштеп шығарамыз. Неге кетпейтінін түсінбеймін. Ертең су астында қалады.
Құтқарушыларға барлық тұрғындарды қауіпсіз жерге көшіруге ертеңге дейін уақыт берілді. Одан кейін саяжайлар мен Заречный ауылы жарықтан ажыратылады. Ал кетпейміз деп қарсылық білдіргендерге 100 мың теңге көлемінде айыппұл салынбақ.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық