ზაირა არსენიშვილი უცნაური ბედის მწერალია, რომელიც ქართველმა მკითხველმა მხოლოდ მისი გარდაცვალების შემდეგ აღმოაჩინა; დღეს მისი ხელახლა გამოცემული რომანი, „ვა, სოფელო...“ დიდი პოპულარობით სარგებლობს და ბესტსელერების სიაშია.
„სქოლიოს“ სტუმარია კინორეჟისორი ლანა ღოღობერიძე, რომელსაც ზაირა არსენიშვილთან ხანგრძლივი შემოქმედებითი და პირადი მეგობრობა აკავშირებდა. მათ ერთად დაწერეს სცენარები ისეთი გახმაურებული ფილმებისთვის, როგორებიცაა „რამდენიმე ინტერვიუ პირად საკითხებზე“, „დღეს ღამე უთენებია“, „როცა აყვავდა ნუში“ და სხვ.
გადაცემაში ლანა ღოღობერიძე იგონებს მეგობარსა და მუდმივ თანაავტორს.
#სქოლიო