佘詩曼出席派對揀數字代表重要時刻 ｜惠英紅回憶二封影后當日似重生｜HK E News 娛樂新聞報道
三料視后 佘詩曼 Charmaine Sheh （阿佘）、影后惠英紅、韓紅、李宇春、陶喆、周冬雨、張鈞甯、于適、張天愛等一眾藝人呢日齊聚上海出席一個時尚活動，場面熱鬧。每位藝人應派對主題揀出一組代表佢哋重要時刻嘅數字，而阿佘就揀咗0713。原來呢組數字正正係阿佘當年選港姐總決賽嘅日子，亦係佢開始演藝生涯嘅第一日。
至於紅姐就揀咗0418，原來喺2010年嘅4月18日就係紅姐憑電影《心魔》喺香港電影金像獎相隔28年再封奪影后殊榮嘅日子。紅姐形容呢日係佢嘅「重生日」，如果唔係呢個獎，自己未必有機會再拍到戲。
新晉小鮮肉于適憑電影《封神》而為人熟悉，最近佢喺主演劇集《我的阿勒泰》嘅長髮遊牧造型又再度受到熱議而且吸粉無數。呢日佢喺活動分享，其實一年前嘅當年今日佢正喺新彊拍攝《我的阿勒泰》，而相隔一年後佢嚟到派對，正正劇集熱播當中，令佢覺得好奇妙；而張天愛呢日嘅透視晚裝相當性感，為咗呢身衣服，令佢步步為營，連飯都唔敢食啊！
#佘詩曼 #惠英紅 #于適 #張天愛 #港姐 #封神 #我的阿勒泰 #心魔 #香港電影金像獎 #金像獎 #影后
#TVB #無綫新聞 #News #StayHome #WithMe #跟我一樣 #宅在家