SErat Wedhatama pupuh gambuh full pada 1 sampai dengan 35, semoga membantu untuk yang sedang ingin belajar nembang jawa ataupun yang sedang mengerjakan tugas... jangan lupa Like, KOmen, Dan Subscribe ya..
Pupuh Gambuh Pada 1
48. Samengko ingsun tutur,
Sembah catur supaya lumuntur,
Dhihin raga, cipta, jiwa, rasa, kaki,
Ing kono lamun tinemu,
Tandha nugrahaning Manon.
Pupuh Gambuh Pada 2
49. Sembah raga punika,
Pakartine wong amagang laku,
Susucine asarana saking warih,
Kang wus lumrah limang Wektu,
Wantu wataking wewaton.
Pupuh Gambuh Pada 3
50. Inguni uni durung,
Sinarawung wulang kang sinerung,
Lagi iki bangsa kas ngetokken anggit,
Mintokken kawignyanipun,
Sarengate elok elok.
Pupuh Gambuh Pada 4
51. Thithik kaya santri Dul,
Gajeg kaya santri Brai kidul,
Saurute Pacitan pinggir pasisir,
Ewon wong kang padha nggugu,
Anggere padha nyalemong.
Pupuh Gambuh Pada 5
52. Kasusu arsa weruh,
Cahyaning Hyang kinira yen kawruh,
Ngarep arep urub arsa den kurebi,
Tan wruh kang mangkono iku,
Akale kaliru enggon.
Pupuh Gambuh Pada 6
53. Yen ta jaman rumuhun,
Tata titi tumrah tumaruntun,
Bangsa srengat ton winor lan laku batin,
Dadi nora gawe bingung,
Kang padha nembah Hyang Manon.
Pupuh Gambuh Pada 7
54. Lire sarengat iku,
Kena uga ingaranan laku,
Dhingin Ajeg kapindone ataberi,
Pakolehe putraningsun,
Nyenyeger badan mrih kaot.
Pupuh Gambuh Pada 8
55. Wong seger badanipun,
Otot daging kulit balung sungsum,
Tumrah ing rah memarah Antenging ati,
Antenging ati nunungku,
Angruwat ruweding batos.
Pupuh Gambuh Pada 9
56. Mangkono mungguh ingsun,
Ananging ta sarehne asnafun,
Beda beda panduk pandhuming dumadi,
Sayektine nora jumbuh,
Tekad kang padha linakon.
Pupuh Gambuh Pada 10
57. Nanging ta paksa tutur,
Rehne tuwa tuwase mung catur,
Bok lumuntur lantaraning reh utami,
Sing sapa temen tinemu,
Nugraha geming kaprabon.
Pupuh Gambuh Pada 11
58. Samengko sembah kalbu,
Yen lumintu uga dadi laku,
Laku agung kang kagungan Narapati,
Patitis tetesing kawruh,
Meruhi marang kang momong.
Pupuh Gambuh Pada 12
59. Sucine tanpa banyu,
Mung nyunyuda mring hardaning kalbu,
Pambukane tata titi ngati ati,
Atetep telaten atul,
Tuladan marang waspaos.
Pupuh Gambuh Pada 13
60. Mring jatining pandulu,
Panduk ing ndon dedalan satuhu,
Lamun lugu legutaning reh maligi,
Lageane tumalawung,
Wenganing alam kinaot.
Pupuh Gambuh Pada 14
61. Yen wus kambah kadyeku,
Sarat sareh saniskareng laku,
Kalakone saka eneng ening eling,
Ilanging rasa tumlawung,
Kono adiling Hyang Manon.
Pupuh Gambuh Pada 15
62. Gagare ngunggar kayun,
Tan kayungyun mring ayuning kayun,
Bangsa anggit yen ginigit nora dadi,
Marma den awas den emut,
Mring pamurunging kalakon.
Pupuh Gambuh Pada 16
63. Samengko kang tinutur,
Sembah katri kang sayekti katur,
Mring Hyang Sukma sukmanen saari ari,
Arahen dipun kacakup,
Sembah ing jiwa sutengong.
Pupuh Gambuh Pada 17
64. Sayekti luwih perlu,
Ingaranan pepuntoning laku,
Kalakuwan tumrap kang bangsaning batin,
Sucine lan awas emut,
Mring alaming alam amot.
Pupuh Gambuh Pada 18
65. Ruktine ngangkah ngukut,
Ngiket ngruket triloka kakukut,
Jagad agung ginulung lan jagad alit,
Den kandel kumadel kulup,
Mring kelaping alam kono.
Pupuh Gambuh Pada 19
66. Kaleme mawi limut,
Kalamatan jroning alam kanyut,
Sanyatane iku kanyatan kaki,
Sejatine yen tan emut,
Sayekti tan bisa awor.
Pupuh Gambuh Pada 20
67. Pamete saka luyut,
Sarwa sareh salirih panganyut,
Lamun yitno kayitnan kang mitayani,
Tarlen mung pribadinipun,
Kang katon tinonton kono.
Pupuh Gambuh Pada 21
68. Nging aywa salah surup,
Kono ana sajatining urub,
Yeku urub pangareb uriping budi,
Sumirat sirat narawung,
Kadya kartika katonton.
Pupuh Gambuh Pada 22
69. Yeku wenganing kalbu,
Kabukane kang wengku winengku,
Wewengkone wis kawengku neng sireki,
Nging sira uga kawengku,
Mring kang pindha kartika byor.
Pupuh Gambuh Pada 23
70. Samengko ingsun tutur,
Gantya sembah ingkang kaping catur,
Sembah rasa karasa wosing dumadi,
Dadine wis tanpa tuduh,
Mung kalawan kasing batos.
Pupuh Gambuh Pada 24
71. Kalamun durung lugu,
Aja pisan wani ngaku aku,
Antuk siku kang mangkono iku kaki,
Keno Ugo wenang muluk,
Kalamun wus pada melok.
#mocopat
#gambuh
#wedhatama