Ал қабыл алыңыздар!
Серік Ақсұңқарұлы.
"ҚАСҚЫРДЫҢ МОНОЛОГІ"
Жек көрем итті!
Алысып жүрем,
Шабысып жүрем
Қағынып...
Сайын даланың тағысымын - мен,
Не деген ғажап - тағылық!
Шауып түсемін!
Күш ағысымды
Сыйғыза алмай ішіме.
Адамның алмас пышағы сынды
Ырзамын азу тісіме!
Қасқыр-бабалар!
Бар ұлыстардың
Мазасын алып манадан -
Иттермен болған қанды ұрыстардың
Иісін сезем даладан.
Қаңқу сөз жүрек кегін үрлейді,
Қорлық-қарғысқа барабар.
Бізбенен иттің тегібір дейді...
Рас па, қасқыр - бабалар?!
Ала төбеттің астында қалар,
Күн туғаны ма ақыры...
Неге үндемейсіңдер, қасқыр - бабалар,
Қағынып кеткен жатыры?
Неге үндемейсіңдер?
Ұрлық түн еді.
Жатқаным мынау - жау іші.
Аспанның астын дүрліктіреді,
Үрген иттердің дауысы...
#әсерліпоэзия
#нартайсауданбекұлы #қасқыр #қасқырдыңмонологі #абадан #арлан