Әсемпаз болма әрнеге
Абай Құнанбайұлы
Әсемпаз болма әрнеге,
Өнерпаз болсаң, арқалан.
Сен де - бір кірпіш, дүниеге
Кетігін тап та, бар қалан!
Қайрат пен ақыл жол табар
Қашқанға да, қуғанға.
Әділет, шапқат кімде бар,
Сол жарасар туғанға.
Бастапқы екеу соңғысыз
Біте қалса қазаққа,
Алдың - жалын, артың - мұз,
Барар едің қай жаққа?
Пайданы көрсең бас ұрып,
Мақтанды іздеп, қайғы алма.
Мініңді ұрлап жасырып,
Майданға түспей бәйгі алма
Өзіңде бармен көзге ұрып,
Артылам деме өзгеден.
Күндестігін қоздырып,
Азапқа қалма езбеден.
Акырын жүріп, анық бас,
Еңбегің кетпес далаға.
Ұстазтық қылған жалықпас
Үйретуден балаға.
#Абай Құнанбайұлы өлеңдері
#абай құнанбаев
#Әсемпаз болма әрнеге
#Ұстаздық еткен жалықпас
#Ақырын жүріп анық бас
#Абай Құнанбайұлы әсемпаз болма әрнеге
#Қазақша поэзия
#поэзия қазақша
#Сенде бір кірпіш дүниеге
#абай кунанбаев
#Ұстаздық еткен жалықпас үйретуден балаға өлеңі
#Абай әсепаз болма әрнеге
#абай құнанбайұлы
#Абай өлеңдері
#Әсемпаз болма әрнеге Абай Құнанбайұлы
• Әсемпаз болма әрнеге
А...
• Есіңде бар ма жас күні...
• Жүрегім, нені сезесің ...