#НартайАралбайұлы #NartayNews #НартайНьюс #nartaynews #Еңбекадамы
🔹Спикер: ҚҰРАЛАЙ МАЛИКРИЯН - теміржолшы.
Еуропада сәл жүрсең бір қаладан - бір қалаға, бір елден - бір елге өтіп кете бересің деген әңгіме ел арасында жиі айтылады. Шындыққа жанасатын дүние. Ал, бізде ше? Біз әлемде жер көлемі бойынша 9-ыншы орындамыз деп жиі айтамыз. Рас. Осы иең далада Батыс пен Шығысындағы, Оңтүстік пен Солтүстігіндегі ағайынның арасы 4-5 мың шақырымға жетеді. Барыс-келіс пен алыс-берісті жеңілдету үшін қазір әуеде ұшақ, жерде көлік пен темір жол бар. Біз бүгін сол шойынды салаға екпін түсірмекпіз. Сәл тарихқа бойласақ, Қазақстан жеріндегі тұңғыш теміржол магистралі 1894 жылдың 25 қазанында Покров слободасы - Орал тар табанды темір жол телімінің құрылысы аяқталғаннан кейін ашылды. Осы жолдың 130 шақырымы қазіргі Қазақстан жері арқылы өткен. Араға 4 жыл салып, Урбах-Астрахан тар табанды темір жолы іске қосылды. Мұның да 77 шақырымы қазақ даласын басып өтті. Содан бері қос ізді темір жолымыз ұзарып келеді. Бірақ, біз, яғни, жолаушылар, вагонның ішінде тамақ пен шайымызды тербеле отырып ішу үшін вагонның сыртында қаншама адам еңбек ететінін біле бермейміз. Бүгінгі бағдарлама теміржолдағы темірдей тәртіпті сақтап, еселі еңбек етіп жүрген Құралай Маликриян жайлы болмақ...
Қазақстанда теміржолшылар әулеті, династиясы өте көп. Бірнеше буынға жалғасып келе жатқан кәсіп түрі бұл. Оның сыры неде ? Бәлкім, адал еңбектің өнегесі шығар. Шойын жол кез келген адамды тәртіпке, шындамдылыққа, жауапкершілікке үйретеді. Бүгінгі кейіпкеріміздей еңбек адамдары бар сала ешқашан құрдымға кетпейді. Елде көлік-логистикасының әлеуеті тап осындай жұмыскерлермен арта бермек.
Құралай Маликриянның әкесі де теміржолшы. Яғни, бұл мамандықты қаршадайынан біліп, көріп өсті. Ол әке жолын қуып, ата кәсіпті жалғастырғысы келді. Яғни, бұл жұмысқа кездейсоқ келмеген. Сондықтан да, өз ісіне адал әрі жауапты. Оның үстіне сірескен сең қозғалып, қазір темір жол саласында оң өзгерістер болып жатыр. Жалпы, шойын жол саласында еңбек ететін азаматтардың маңдай терінің өтеуі еселенер деген сенім бар.
“Еңбек адамы" елеусіз қалмасын! Биыл біз тұтас фильмдер сериясын жасауға бел будық. Басты қолдаушымыз AMANAT партиясы. Кейіпкерлеріміз қарапайым қызметкерлер, бірақ үлкен жүректі, еңбекқор, өмірге құштар адал адамдар. Бұған дейін экрандардан тек өнерпаздар мен шенеуніктерді көретін едік. Бұл дұрыс болмады, олқылықтың орнын толтыру керек. Біз соны мойнымызға алдық. Бұйыртса 40 фильм жарыққа шығады. Көріңіздер!
Интаграм: nartay_aralbayu...
Фейсбук: / nartai.sarsengaliyev